Łukašenka nie maje dačynieńnia da pamiłavańnia bolš čym 150 asudžanych na rasstreł

Alaksandr Łukašenka nie maje nijakaha dačynieńnia da pamiłavańnia bolš jak 150 pryhavoranych da śmiarotnaj kary ŭ 1998–2010 hadach. Heta vynikaje z udakładnieńnia MUS Biełarusi raniej apublikavanych źviestak pra kolkaść vyniesienych u krainie ŭ hety pieryjad śmiarotnych pryhavoraŭ, pryhavoraŭ da pažyćciovaha źniavoleńnia i kolkaść tych, kamu rasstreł byŭ zamienieny na pažyćciovaje źniavoleńnie.

Jak paviedamlałasia raniej, u 1998–2010 hadach biełaruskija sudy vynieśli 102 śmiarotnyja pryhavory. Da pažyćciovaha źniavoleńnia byli pryhavoranyja 143 čałavieki.

156 asudžanym na śmiarotnuju karu hetaje pakarańnie ŭ paradku pamiłavańnia było zamieniena na pažyćciovaje źniavoleńnie.

Atrymlivałasia, što, naprykład, kali ŭ 1998 hodzie da śmiarotnaj kary ŭ krainie byli pryhavoranyja 47 čałaviek, a pamiłavanyja 32, to ŭžo ŭ 1999 hodzie hetyja ličby — 13 i 27, u 2000-m — 4 i 24, 2001-m — 7 i 20, u 2002-m — 4 i 18. Dalej tendencyja pieravažańnia liku pamiłavanych nad likam śmiarotnikaŭ značna mieniej vidavočnaja, ale jana taksama jość, choć i ź mienšymi absalutnymi ličbami.

22 sakavika MUS raźmiaściła na svaim sajcie infarmacyju, pavodle jakoj, jak akazvajecca, žurnalisty niapravilna vytłumačyli infarmacyju milicejskaha viedamstva, choć tłumačeńniaŭ adnosna miechanizmu farmiravańnia śpisu MUS nie padało.

«Najbolšyja sprečki vyklikała farmuloŭka „Kolkaść asudžanych, jakim śmiarotnaja kara zamieniena ŭ paradku pamiłavańnia pažyćciovym źniavoleńniem“, a taksama ličbavyja pakazčyki, jakija adpaviadajuć hetamu raździełu tablicy, — havorycca ŭ paviedamleńni MUS. — Niahledziačy na jurydyčnuju pravilnaść farmuloŭki, žurnalisty niekatorych ŚMI i šerahu internet-resursaŭ, jakija skarystalisia raźmieščanymi danymi, supastavili termin „u paradku pamiłavańnia“ z pałažeńniami art. 96 „Pamiłavańnie“ Kryminalnaha kodeksa Respubliki Biełaruś, u jakoj vyznačany paradak pamiłavańnia asoby prezidentam Respubliki Biełaruś».

«U isnaj ža jurydyčnaj praktycy, u tym liku i pry farmiravańni statystyčnaj spravazdačnaści, paniaćcie „ŭ paradku pamiłavańnia“ razhladajecca ŭ bolš šyrokim aśpiekcie, — tłumačyć situacyju MUS. — U adpaviednaści ź dziejnym zakanadaŭstvam pravam vyniasieńnia „śmiarotnych pryhavoraŭ“ nadzieleny abłasnyja, Minski haradski, Biełaruski vajenny i Viarchoŭny sudy.

Fakt pryhavoru asoby da vyšejšaj miery pakarańnia ŭ vyhladzie śmiarotnaj kary nie aznačaje jaho adnaznačnaha vykanańnia: sprava moža być pierahledžanaja ŭ kasacyjnym paradku vyšejšym sudom, a taksama ŭ paradku nahladu.

«U metach vyklučeńnia dvajakaha tłumačeńnia abyvacielem pryviedzienych na aficyjnym sajcie MUS źviestak metazhodna źmianić farmuloŭku «Kolkaść asudžanych, jakim śmiarotnaja kara zamieniena ŭ paradku pamiłavańnia pažyćciovym źniavoleńniem» na «Kolkaść asudžanych, jakija znachodziacca ŭ miescach pazbaŭleńnia voli, jakim śmiarotnaja kara zamienienaja pažyćciovym źniavoleńniem», —

• 0
• 0
• 0
• 0
• 0
• 0
• 0
• 0