Luk Beson narešcie viarnuŭsia da svaich vytokaŭ i zrežysavaŭ čorna-biełuju ramantyčnuju kamedyju pra zbavieńnie dušy čarhovaha niedareki.
Ład, 21.10
 |
Francyja, 2005, čorna-bieły, 88 chv.
Režyser: Luk Beson
Roli vykonvajuć: Žamel Debuz, Ry Rasmusen, Žylber Miełki, Sierž Rabukin, Akir Šyr, Vienus Bun
Žanr: Dydaktyčnaja kamedyja z ramantyčnymi elementami.
Adznaka: 7 (z 10).
Luk Beson narešcie viarnuŭsia da svaich vytokaŭ i zrežysavaŭ čorna-biełuju ramantyčnuju kamedyju pra zbavieńnie dušy čarhovaha niedareki.
Hieroj filmu, patalahičny chłus Andre (Žamel Debuz), vinny hrošy ŭsim mafijoznym hrupoŭkam Paryžu. Kali šachraj vyrašaje zrabić sabie śmierć, niabiosy pasyłajuć jamu vyratavańnie ŭ vyhladzie daŭhanohaj blandynki-anioła ŭ nehliže. Anioł vałodaje karate – i pa sumiaščalnictvie šlucha.
Najlepšaje ŭ karcinie Besona – čorna-biełyja kadry ad aperatara Tjery Arbahasta. Kadry stylovyja, liryčna-vytančanyja, pa-vosieńsku sentymentalnyja. Čorna-bieły pozirk nahadaje «Nieba nad Berlinam», a piaro ŭ pavietry – «Foresta Hampa».
Plastyka Anioła-blandynki (Ry Rasmusen) idealna ŭpisvajecca ŭ ramantyčnyja vidy Paryžu, a jaje zvyčki skradzienyja z kolišniaj muzy Besona Miły Jovavič.
Ale heta miłaja, ciopłaja j daścipnaja karcina zanadta prostaja dla vysakałobaha art-haŭzu, jak i zanadta aŭtarskaja dla kamercyjnaha kino. Besonu brakuje «niapravilnaści», junackaha impetu, zatoje bačny padzabyty režyserski status.
«Maje siły skončylisia»: Valaryna Kustava raskazała, čamu źbiraje na dapamohu svajoj siamji18
Kamientary