Niekatoryja kiroŭcy ŭžo źviarnuli ŭvahu na karektyvy ŭ arhanizacyi darožnaha ruchu na adnym z najbolš prablemnych skryžavańniaŭ Minska: vuł. Lenina — vuł. Uljanaŭskaja. Tam źmianiłasia raźmietka.
Jak kažuć u DAI, heta maje palepšyć prapusknuju zdolnaść. Heta nie novaje rašeńnie. U zonie skryžavańniaŭ pavialičvajuć kolkaść pałos za košt najaŭnaj šyryni prajeznaj častki — źjaŭlajucca «kišeni» dla pavarotaŭ naleva.
U Minsku takoje vykarystoŭvajecca niekalki hadoŭ, i davoli paśpiachova. Naprykład, na Łahojskim trakcie, vuł. Niamiha, vuł. Vaniejeva i t. d. U vyniku krajni levy šerah, jaki da hetaha nie byŭ zahružany całkam, «zapracavaŭ». Adpaviedna, pavialičyłasia prapusknaja zdolnaść, kiroŭcy pačali mienš pierastrojvacca, i takim čynam skaraciłasia kolkaść DTZ.
Ciapier takija ž «kišeni» dla levych pavarotaŭ źjavilisia pa vuł. Uljanaŭskaj (z abodvuch bakoŭ ad skryžavańnia z vuł. Lenina).
U hetym vuźle, viadoma, daŭno naśpieła nieabchodnaść unosić hłabalnyja, a nie kaśmietyčnyja karektyvy. Pavodle infarmacyi onliner.by, zapłanavanaja rekanstrukcyja prablemnaha skryžavańnia. Ale što tam budzie, skazać ciapier składana. Adna z hałoŭnych składanaściaŭ — tramvajny ruch, praź jaki pieryjadyčna spyniajecca patok aŭtamabilaŭ. Kažuć, razhladajecca varyjant rekanstrukcyi šlachoŭ.
Kamientary