Sok pajšoŭ

Repartaž z narychtoŭki biarozaviku pad Bieraściem.

Rańniaja viasna paklikała z pačatku sakavika nie tolki chlebarobaŭ u pole. Na dzialanki vyjšli lesniki, kab sabrać hajučy napitak — biarozavy sok. Brescki, Małarycki, Kobrynski lashasy na minułym tydni atrymali i realizavali pieršyja tony biarozaviku.

U 70‑m kvartale Bresckaha lasnictva adnajmiennaha lashasa amal štohadzinu sustrakajuć pakupnikoŭ lasnik Ryhor Šumiła i jaho pamočnik Leanid Čatyrbok. Dzialanka znachodzicca za 15 kiłamietraŭ ad horada, i darohu ŭ les dobraj nie nazavieš, ale ludzi jeduć za sokam, nie škadujučy časam navat svaich šykoŭnych aŭto. Ad vioski Zakij paŭsiul stajać ukazalniki, i znajsci zapavietnaje miesca, asabliva tamu, chto nie navičok u pryharadzie, nieskładana.

— Za pieršyja paŭtara dnia raboty pradali try z pałovaj tony, — raskazvaje lasnik. — Ludzi biaruć u asnoŭnym pa sto litraŭ, a byvaje i pa 500.

Maim ža rasčaravańniem stała toje, što nie rascvili praleski. Zvyčajna, jak tolki sok pajšoŭ, pieršyja viesnavyja kraski tut jak tut. Biarozy «zapłakali», značyć, ziamla prahrełasia, a voś kvietki nie śpiašajucca. Takija ŭžo kapryzy sioletniaj viasny, — rastłumačyli mnie daśviedčanyja ŭ lasnoj spravie ludzi. Sok ruchajecca, značyć, para jaho zbirać.

Na svajoj dzialancy jany padsočyli bolš za tysiaču biaroz. Biarozavik zbirajecca ŭ śpiecyjalnyja charčovyja pakiety, zakuplenyja napiaredadni. Tak atrymlivajecca bolš sučasna i hihijenična, bo viodry i blašanki ržaviejuć. Dy i ŭ adkrytyja jomistasci traplajuć maškara, čascinki kary, inšaje śmiećcie. A polietylenavuju torbu možna prymacavać tak, što zastaniecca tolki adtulina na strumień soku, jaki ściakaje z žałabka. Dla narychtoŭki soku vybirajucca dzialanki, dzie rastuć drevy va ŭzroście 60—70 hadoŭ, i praź niekatory čas buduć vysiakacca.

— Hałoŭnaje, zrabić padsočku tak, kab dreva nie paškodzić, — havoryć vieteran lasnoj haspadarki Leanid Čatyrbok. — Nadrez my robim pad vuhłom 30 hradusaŭ na zadadzienaj hłybini. Važna pravilna zrezać karu. Tamu tak škodnyja ŭsialakija samadziejnyja, pravilniej kažučy, brakańjerskija narychtoŭki. Tamu i buduć načavać lasnik z pamočnikam prama na dzialancy, jak tolki pačniecca masavaja narychtoŭka.

Ryhor Šumiła raz‑poraz ahladaje biareziny, sočyć za tym, kab pakupniki pravilna padviešvali na drevy pustyja pakiety, papraŭlaje za imi. A Leanid Mikałajevič padličvaje tavar i spraŭna vypisvaje kvitki. Z takim tałončykam u haradžan nie budzie prablem, kali mašynu spyniać milicyja abo pryrodaachoŭnyja słužby.

— Hetaj viasnoj Brescki lashas płanuje narychtavać kala 300 ton soku, — raskazaŭ karespandentu «Źviazdy» inžynier lashasa David Šaŭšyšvili. — Zaklučany dahavory ź niekatorymi pradpryjemstvami — tradycyjnymi pierapracoŭščykami soku, ale prykładna pracentaŭ 80 z nazvanaha abjomu pojdzie na prodaž nasielnictvu. Lashas pradaje nasielnictvu śviežy biarozavik tolki druhi hod. Paradak narychtoŭki taki ž, jak letaś: spažyviec pryjazdžaje na lasnuju dzialanku i zabiraje sok svaim transpartam.

Sprabujem padličyć z inžynieram, kolkim siaredniestatystyčnym haradžanam takaja pasłuha akažacca niedastupnaj. Napeŭna, jość niamała piensijanieraŭ, ludziej ź nievysokim dastatkam, tych, chto prosta nie maje mašyn, ale kupiŭ by śviežy sok, kab jaho pryviezli ŭ horad. Na heta śpiecyjalist lashasa tolki razvodzić rukami — u ich niama licenzii, a bieź jaje sanitarnaja słužba nie dazvolić jaki‑niebudź handal. Pakul niama. I prodažam soku lasnyja haspadarki zajmajucca niadaŭna. Ale ž z časam žyćcio, vidać, prymusić nabyć nieabchodnyja licenzii, dakumienty i pajsci nasustrač spažyŭcu.

Tym bolš što hrošy za sok nie buduć lišnimi dla lashasaŭ.

Namiesnik hienieralnaha dyrektara pa ideałohii Bresckaha vytvorčaha lesahaspadarčaha abjadnańnia Aksana Šamiakova prasiła napomnić jašče raz čytačam, što zhodna z novym Kodeksam ab administracyjnych pravaparušeńniach, jaki ŭstupiŭ u dziejańnie z 1 sakavika, za samavolnuju narychtoŭku soku ŭ niepraduhledžanych miescach nakładajecca štraf ad 600 tysiač da 1,5 miljona rubloŭ. Akramia taho, što brakańjer jašče kampiensuje naniesieny ŭron — za kožnaje paranienaje dreva naličvajecca ad 0,1 da 0,5 bazavaj vieličyni. «Tak što vyhadniej kupić pa 150 rubloŭ za litr», — zaklučaje Aksana Jaŭhienaŭna. Ad jaje ž recept kaktejlu «Biełaruski les»: 150 h soku, 50 h marožanaha, 50 h žuravinavaha abo inšaha jahadnaha soku. Pić cieraz sałominku. Kaža, vielmi smačna i vielmi karysna.

• 0
• 0
• 0
• 0
• 0
• 0
• 0
• 0