«Dziaržaŭnaja płošča – nie pryvatnaja krama»

Zvanki na «Svaboda»: ludzi aburajucca kiraŭnikom staličnaje idealahičnaje vertykali.

Spadar: «Dobry viečar, «Svaboda». Voś słuchaŭ vykazvańni, razvažańni čynoŭnika nakont Kastryčnickaj płoščy, jaki skazaŭ litaralna «heta dziaržaŭnaja płošča». Chaciełasia b zapytacca ŭ jaho, a niaŭžo ŭ nas źjavilisia niejkija pryvatnyja płoščy na vulicach. Moža być, i vulicy chto ŭ pryvatnuju ŭłasnaść uziaŭ ci ŭ niejkuju kałhasnuju? Ci moža, nam parajać u Traściancy na zvałkach źbiracca ci na palihonach? Voś jaho nadryŭny kryk – «Heta dziaržaŭnaja płošča!» – chaj adkaža, ci jość užo pryvatnyja. Moža, chto ŭžo i aeradromy dzie jakija ŭziaŭ va ŭłasnaść? Pieradajcie, kali łaska, majo pytańnie hetamu čynoŭniku. Dziakuj».

Anastas Siemianovič: «Darahoje spadarstva Radyjo Svaboda! Dobry viečar. Tavaryšy «łukašysty», Vy robicie vialikuju pamyłku, kali kažacie, što płošča Kastusia Kalinoŭskaha źjaŭlajecca dziaržaŭnaj, to bok tavaryša Łukašenki. Chto budzie vykonvać Kanstytucyju Respubliki Biełaruś? Praŭda, jana siońnia farmalnaja. Luby spadar ci spadarynia majuć prava na mitynh, kab vykazać svaje dumki. Nakont siońniašniaj ułady. Ja ŭpeŭnieny, što narod pryjdzie mienavita na płošču Kastusia Kalinoŭskaha. A Vy, kali ničoha ŭ hałavie nie zastałosia, možacie puskać svoj AMAP i specpadraździaleńni. Znoŭku Ameryka i Eŭropa pierakanajucca ŭ Vašaj histeryi. Razmaŭlać paśla hetaha jany z Vami nia buduć. Što možna ŭ dadzienym vypadku Vam paraić, tavaryš Łukašenka? Pryjdzicie na Płošču i vystupicie pierad narodam, i padziakujcie, što jany Vas tryvali ciaham 13 hod. Abjavicie vybary prezydenta i paśla hetaha idzicie na zasłužany adpačynak. Žyvie Biełaruś!»

Spadarynia: «Adzin čynoŭnik davoli ahresiŭna skazaŭ, što nie atrymajecie Kastryčnickuju płošču, jana dziaržaŭnaja. A biełaruski narod, na šyi jakoha siadzić hety čynoŭnik, heta što? Nie dziaržava?! Luby hramadzianin. Jaki maje biełaruskaje hramadzianstva, maje prava pryjści na dziaržaŭnuju płošču i vykazać svajo staŭleńnie da isnujučaj ułady. Nakont nazvy płoščy Kalinoŭskaha. Čynoŭnika ździŭlaje i aburaje heta nazva. Kastuś Kalinoŭski – heta hieroj Biełarusi. I da nazvy dziaržaŭnaj płoščy Biełarusi heta asoba padychodzić bolš, čym biezabličnaja nazva «Kastryčnickaja». Dziaržaŭnaja płošča – nie pryvatnaja krama, a pabudavana na narodnyja hrošy. Narod maje prava joju karystacca. Chatniaj majomaściu niachaj rasparadžajucca, a płoščaju budzie biełaruski narod».

24 hadziny na sutki ŭ Miensku pracuje telefon Svabody 266‑39‑52. Vy možacie zadać pytańnie, padzialicca navinami, a taksama vykazać svajo mierkavańnia pra padziei ŭ Biełarusi i śviecie. Nam taksama možna dasyłać SMS‑paviedamleńni. Numar mabilnaj suviazi 391‑22‑24.

• 0
• 0
• 0
• 0
• 0
• 0
• 0
• 0