Ludzi daviedvalisia pra avaryju na naftaprovadzie «Unieča — Vientpiłs» tolki paśla taho, jak mazuta dajšła da Łatvii.
23 sakavika ŭ vyniku avaryi na ŭčastku naftaprovadu «Unieča Ventśpiłs» u Biešankovickim rajonie adbyŭsia vyciek kala 100 tonaŭ dyzpaliva. Jano patrapiła ŭ raku Ułu – prytok Dźviny. Biełaruskaja słužba MNS zdoleła likvidavać praryŭ i sabrać asnoŭnuju častku naftapraduktaŭ. U hetym byli zadziejničanyja 200 čałaviek, 50 adzinak techniki dy 10 płaŭsrodkaŭ. Tym nia mienš, niahledziačy na starańni biełarusaŭ, niekalki tonaŭ dyzpaliva patrapili na terytoryju Łatvii.
Vyklikaje cikavaść toj fakt, što infarmacyja pra zdareńnie ŭ Biełarusi masava raspaŭsiudziłasia tolki paśla taho, jak patrapiła da nas z Łatvii. Heta zdaryłasia 26 sakavika, paśla taho jak ministar achovy pryrody Łatvii zabiŭ tryvohu. Jahonuju zajavu pieradało ahienctva “Interfaks-Zachad”, i tolki tady infarmacyja pajšła ŭ respublikanskija ŚMI.
Varta adznačyć, što Viciebskaje abłasnoje telebačańnie aperatyŭna paviedamiła pra zdareńnie, pakazaŭšy siužet niekalki razoŭ. Adnak za rehijanalnymi dziaržaŭnymi ŚMI nia ŭsie sočać, tamu nia ŭsie nie daviedalisia pra avaryju svoječasova. Mnohija žychary Biešankovičaŭ i Połacku, jak vyśvietliŭ karespandent «NN», daviedalisia pra avaryju tolki ŭ paniadziełak. Tak, navapołackaja piśmieńnica Iryna Žarnasiek pačuła pra avaryju paśla taho, jak niechta sa śviakoŭ, amatar rybałki, pabačyŭ na race naftavyja plamy. Žycharka Biešankovičaŭ Valancina Hrakun taksama pačuła navinu ad znajomych tolki na nastupny dzień. Infarmacyja była nieaficyjnaja, atrymanaja praz trecija ruki.
U vyniku avaryi z Uły ŭciakli babry da andatry. Biełaruskija ŭradoŭcy ŭskładajuć vinu za zdareńnie na rasiejski bok.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary