Sapraŭdny nastaŭnik! Siarhiej Bałachonaŭ z Homiela zdaŭ testavańnie pa historyi na 100 bałaŭ
Adzin z šasnaccaci čałaviek u krainie.
Nastaŭnik historyi z Homiela Siarhiej Bałachonaŭ vyrašyŭ pravieryć svaje siły na centralizavanym testavańni. U jakaści pradmietaŭ byli abranyja profilnyja Historyja Biełarusi i hramadaznaŭstva, jakija nastaŭnik ułasna i vykładaje.
«Zadańni testu pa historyi byli nie prostymi, a vielmi prostymi.Ja chvalavaŭsia, što nie spraŭlusia z zadańniami na chranałohiju. Ale składańnie łancužkoŭ paśladoŭnaści ciažkaści taksama nie vyklikała. Bo tam chapała amal vyklučna viedaŭ, u jakim stahodździ taja ci inšaja padzieja adbyłasia. Prostymi byli i zadańnie na suadniasieńnia elemientaŭ dvuch mnostvaŭ. Treba było suadnieści čatyry elemienty. Lišniaha elemientu pry hetym nie było. To bok, viedajučy dakładna try pary elemientaŭ, čaćviortuju možna skłaści mietadam vyklučeńnia. Tak ja, naprykład, vyznačyŭ datu prysvajeńnia Minsku zvańnia
Z zadańniem nastaŭnik spraviŭsia na vydatna.
Historyju Biełarusi jon zdaŭ na 100%, takich nabrałasia ŭsiaho 16 čałaviek na ŭsiu krainu.A hramadaznaŭstva — na 89%. Takim nastaŭnikam nie strašna davieryć dziaciej.
«Uvohule składalniki testa ludzi nie biez humaru. U pytańni pra peŭnyja pałažeńni, jakija zamacavanyja ŭ Kanstytucyi Respubliki Biełaruś, byŭ varyjant: «udzieł u vajskovych apieracyjach NATO», — žartuje Siarhiej.
Siarhiej Bałachonaŭ taksama viadomy jak piśmieńnik. Jon aŭtar ramana «Imia hrušy». A ŭ «Našu Nivu» Siaržuk piša ad 2000 hoda.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary