Na siońnia jon składaje 29,7%
Takija źviestki pryvodziacca ŭ tłumačeńni da vynikaŭ červieńskaha apytańnia hramadskaj dumki, raźmieščanym na sajcie Niezaležnaha instytuta
«Kali z 20,5% u vieraśni 2011 hoda jaho elektaralny rejtynh pavysiŭsia da 24,9% u śniežni i 34,5% u sakaviku 2012 hoda, to siońnia jon znoŭ źniziŭsia da 29,7%», — adznačajuć sacyjołahi.
Akramia taho, kali jašče ŭ sakaviku kolkaść hramadzian, jakija daviarajuć prezidentu, pieravyšała kolkaść tych, chto nie daviaraje (47,9% suprać 42%), to siońnia hetyja suadnosiny znoŭ źmianilisia na karyść tych, chto nie daviaraje (38,5% suprać 51.9%).
Sacyjołahi adznačajuć, što biełarusaŭ usio bolš niepakoić niespraviadlivaje i navat nie pravavoje staŭleńnie z boku ŭłady. Na ich dumku, pakazalnym u hetym źjaŭlajecca staŭleńnie da rasstrełu asudžanych pa spravie ab terakcie ŭ minskim mietro Dźmitryja Kanavałava i Uładzisłava Kavalova. Tak, z rašeńniem suda i prezidenta zhadzilisia tolki 37,8% apytanych, a 34,4% skazali, što abodvuch treba było pamiłavać, jašče 7% — što Kanavałava treba było rasstralać, a Kavalova — pamiłavać (zvyš za 20% nie zmahli adkazać).
Akramia taho, adznačajuć sacyjołahi, «pačućcio niespraviadlivaści ŭłady» zakranaje nie tolki roznyja situacyi štodzionnaha žyćcia miljonaŭ ludziej, ale samuju strukturu biełaruskaha hramadstva. Tak, kali ŭ žniŭni 2006 hoda 48,6% respandentaŭ ličyli, što Łukašenka, pierš za ŭsio, abapirajecca na vajennych, MUS, KDB, 37% — na prezidenckuju «viertykal», 20,5% — na dziaržaŭnych čynoŭnikaŭ, to siońnia tak dumajuć adpaviedna 56,5%, 45,4% i 33,2%.
U toj ža čas kolkaść tych, chto ličyć, što jon pierš za ŭsio abapirajecca na prostych ludziej i žycharoŭ vioski, za šeść hadoŭ skaraciłasia z 34,2% i 30% da 18,1% i 24%.«Nie dziŭna, što, vyznačajučy svaje adnosiny z uładaj, bolšaść apytanych (63,3%) skazali „žyvu, spadziejučysia tolki na siabie i paźbiahajučy ŭvachodzić u kantakt z uładaj“ (tolki 7,6% skazali „ŭvachodziačy ŭ kantakt z uładaj, dabivajučysia ad jaje taho, što mnie treba“). Tamu i acenka stanovišča rečaŭ u našaj krainie ŭ cełym, jakaja na praciahu paŭhoda rabiłasia ŭsio bolš pazityŭnaj, znoŭ atrymlivaje niehatyŭnuju dynamiku — siońnia tak dumajuć 54,3%», — adznačajuć sacyjołahi.
Siarhiej Karalevič, BiełaPAN.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom12
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary