Hutarka z Tomasam Mazeci, jaki skinuŭ cacki na Biełaruś.
Karespandent radyjo Svaboda Rykard Juźviak pahutaryŭ z Tomasam Mazeci, jaki 4 lipienia ažyćciaviŭ palot na Biełaruś i «vysadziŭ miadźviedžy desant» u Iviancy i ŭ Miensku.
Tomas, vy byli piłotam hetaha samalota. Čamu vy heta zrabili? Čamu vy pryniali ŭ hetym udzieł?
Mazeci: My pryniali ŭ hetym udzieł, bo naša praca palahaje na dapamozie kampanijam, jakija chočuć źviarnuć na siabie ŭvahu ŭ ŚMI. I hrošy, jakija my zarablajem na takoj dapamozie, my vykarystoŭvajem dla taho, kab źviarnuć uvahu ŚMI na pytańni, jakija my ličym važnymi. A situacyja ŭ Biełarusi źjaŭlajecca adnym z takich pytańniaŭ.
Tomas, skažycie niekalki słovaŭ pra vašu kampaniju. Jana finansujecca z publičnych hrošaj, ci heta pryvatnaja kampanija?
Heta pryvatnaja kampanija. Ale ŭsie hrošy, jakija my zarablajem, my pryznačajem na spravy, u jakija my vierym.
U paviedamleńniach pra vaš palot było skazana, što vy zalacieli ŭ Biełaruś ź Litvy. Adkul ź Litvy?
Heta było małoje lotnišča, jakoje nazyvajecca Pačuny (Pociūnai).
Źjavilisia paviedamleńni, u jakich litoŭskija ŭłady kažuć, što jany hladziać na hety incydent jak na mahčymaje nielehalnaje parušeńnie pavietranaj prastory Litvy. Vy pra heta viedajecie?
Nie. Ale my, biezumoŭna, uśviedamlali, što heta moža ŭźniknuć jak niejkaja pabočnaja prablema. Ja ŭziaŭ z saboju svaju licenziju piłota, inšyja asoby zrabili tak sama. My rychtavali hety palot hod času, na heta pajšło šmat hrošaj. My rabili ŭsio tak, kab nie parušyć litoŭskaha zakanadaŭstva.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior3
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary