Płaciežnaja sistema Payoneer u vieraśni pierastanie absłuhoŭvać rachunki klijentaŭ ź Biełarusi. Biełarusy pačali atrymlivać adpaviednyja paviedamleńni ad kampanii, piša Office Life.
Raniej paviedamlałasia, što Payoneer z 1 vieraśnia bolš nie budzie adpraŭlać pieravody na rachunki bankaŭ Biełarusi. Pra heta papiaredžvali kampanii, jakija pracujuć z servisam. Jašče ŭ listapadzie 2025 hoda płaciežnaja sistema paviedamiła, što bolš nie padtrymlivaje płaciažy ŭ dołarach u našu krainu, pry hetym pieravody na rachunki ŭ jeŭra praciahvali pracavać.
Ciapier ža servis papiaredziŭ, što zusim nie zmoža absłuhoŭvać rachunki Payoneer klijentaŭ ź Biełarusi. Heta źviazana sa źmienami z boku jaho bankaŭskich partnioraŭ.
Što tyčycca terminaŭ, naprykład, adzin z čytačoŭ Office Life atrymaŭ nastupnaje paviedamleńnie:
«Vaš akaŭnt Payoneer budzie zakryty 11 vieraśnia 2026 hoda. Paśla hetaj daty vy nie zmožacie atrymać dostup da svajho akaŭnta abo srodkaŭ, jakija tam zastalisia. Vyviedzicie ŭsie srodki z usich bałansaŭ vašaha akaŭnta da 10 vieraśnia 2026 hoda. Heta tyčycca srodkaŭ va ŭsich valutach».
Pradstaŭniki Payoneer taksama rajać klijentam nie adkładać vyvad srodkaŭ na apošni dzień, bo «bankaŭskija płaciažy patrabujuć času na apracoŭku, i lubaja zatrymka bližej da krajniaha terminu moža pryvieści da taho, što vašy srodki zastanucca niedastupnymi».
Ź lutaha 2022 hoda z płaciežnaj sistemaj Payoneer pracujuć nie ŭsie biełaruskija banki: klijenty bankaŭ, jakija trapili pad zachodnija sankcyi, vyvodzić hrošy nie mohuć. Akramia taho, u biełarusaŭ uźnikali składanaści sa stvareńniem novych akaŭntaŭ.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie1
Kamientary
[Zredahavana]