Hiej z Vaŭkavyska pryjechaŭ pa abjavie ab znajomstvie, a jaho sustreli chłopcy ŭ maskach.
U Redakcyju źviarnuŭsia Vital Hulak. «Ja — hiej», — pačaŭ jon z hetaha.
27 lipienia jon damoviŭsia sustrecca ŭ Minsku z chłopcam, ź jakim paznajomiŭsia ŭ sacyjalnych sietkach. U ankiecie minčuka značyŭsia ŭzrost — 18 hadoŭ. Ale padčas pierapiski vyśvietliłasia, što tolki 16. Tym nie mienš, pryznačyli spatkańnie. Kali Vital čakaŭ znajomca kala kinateatra «Aŭrora», da jaho padbiehli niekalki čałaviek. «Nie mienš za dziasiatak», — udakładniaje jon. Niekatoryja ź ich byli ŭ maskach. U adnaho ŭ rukach byŭ fałaimitatar, inšy ŭsio zdymaŭ na videa.
Vitala schapili, niekalki razoŭ udaryli pa tvary.Heta ŭsio bačna na videa, jakoje vystavili ŭ internecie. Małady čałaviek pačaŭ klikać na dapamohu, ale nichto ź minakoŭ nie adreahavaŭ. Ekśpiertyza paśla zafiksavała ŭdar skivicy.
Ź Vitalom razmaŭlali niekalki chłopcaŭ. Jany apielavali, što jon — piedafił i prapanoŭvaŭ intymMałady čałaviek adznačaje, što takaja razmova sapraŭdy prysutničała ŭ sacsietkach. Ale ni pra jaki hvałt nie viałosia. Vital nie chavaje svajoj nietradycyjnaj aryjentacyi. Ale nie piedafił. I kateharyčna asudžaje piedafiłaŭ.16-hadovamu padletku.
Kryminalnym kodeksam RB adkaznaść za seks ź niepaŭnaletnimi praduhledžvajecca tolki ŭ tym vypadku, kali hetaja asoba nie dasiahnuła 16 hadoŭ albo ŭ vypadku hvałtoŭnych dziejańniaŭ.
U vyniku jon padaŭ zajavu ŭ milicyju. Tam da situacyi pastavilisia surjozna. Nie vyklučajuć, što moža być zaviedziena navat kryminalnaja sprava. A pakul milicyja pravodzić pravierku, sprava ab administracyjnych pravaparušeńniach nie kvalifikavanaja zhodna z peŭnymi artykułami. Mohuć prysutničać niekalki artykułaŭ: drobnaje chulihanstva, naniasieńnie lohkich cialesnych paškodžańniaŭ, raspaŭsiudžvańnie materyjałaŭ, jakija prapahandujuć kult hvałtu i žorstkaści, abraza.
Udzielniki supołki «Skurany mikrafon», što napali na Vitala, pazicyjanujuć siabie jak «palaŭničyja na piedafiłaŭ».U videazvarocie adzin z arhanizataraŭ takoha «palavańnia» kaža: «Čamu ŭ nas niama padstaŭ ich łavić? …Kali Hospad niešta robić, niachaj jon robić hetymi rukami albo rukami takich samych ludziej, jak i ja. U pravaachoŭnych orhanaŭ i tak šmat zadač staić pa padaŭleńni złačynnaści. Budziem žorstka spyniać. Budziem žorstka palavać. I ŭ nas na heta jość siły, duch i ćviarozaść rozumu».
Maładym ludziam z supołki — prykładna pa 25 hadoŭ (nie va ŭsich u akaŭntach paznačany ŭzrost). Imiony kiraŭnikoŭ supołki — adkrytyja, na ich staronkach jość fotazdymki. Adšukać hetych ludziej nieskładana.
Situacyja redkaja. Darosły čałaviek prapanuje intym padletku — vialikaje pytańnie marali. Farmalna ŭsio zakonna. Ale nieviadoma, čym mohuć skončycca ŭ psichałahičnym płanie dla niepaŭnaletniaha takija kantakty. I chto tady budzie adkazvać. Zakon ža nie zabaraniaje takuju suviaź.
Z druhoha boku, samasud. Chłopcy chočuć zaścierahčy dziaciej ad raspusty. Ale sami nie ŭśviedamlajuć, jak heta rabić, nie parušajučy zakon.
U toj ža čas, redki vypadak, — hiej u takoj situacyi sprabuje abaranić svaje pravy.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie1
Kamientary