Pamior Alaksandr Dzianisaŭ — były hienieralny dyrektar rasijskaha AT «NVA «Vysokadakładnyja kompleksy»», jakoje raspracoŭvaje sistemy supraćpavietranaj abarony «Pancyr», paviedamiła vydańnie RBK.
Alaksandr Dzianisaŭ uznačalvaŭ chołdynh z momantu jaho zasnavańnia ŭ 2009 hodzie da 2022 hoda. U pres-słužbie arhanizacyi adznačyli, što pry jaho niepasrednym udziele byli realizavanyja takija prajekty, jak zienitny rakietna-harmatny kompleks «Pancyr», pieranosny zienitny rakietny kompleks «Viarba» i kiravanyja rakiety «Izdielije 305».
Alaksandr Dzianisaŭ naradziŭsia 16 maja 1952 hoda ŭ vioscy Stračava Branskaj vobłaści. Jon słužyŭ u vojsku, a ŭ pačatku 2000‑ch hadoŭ pracavaŭ pieršym namieśnikam staršyni Kamiteta vajskova-techničnaha supracoŭnictva z zamiežnymi dziaržavami. U 2004—2007 hadach byŭ pieršym namieśnikam dyrektara Fiederalnaj słužby pa vajskova-techničnym supracoŭnictvie. Taksama pracavaŭ daradcam hienieralnaha dyrektara «Rastecha».
NVA «Vysokadakładnyja kompleksy» ŭvachodzić u skład rasijskaj dziaržaŭnaj karparacyi «Rastech» i śpiecyjalizujecca na raspracoŭcy i vytvorčaści vysokadakładnych sistem uzbrajeńnia.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary