Niamieččyna, Polšča, Francyja i Italija chočuć pieratvaryć ES u fiederacyju
Ministry zamiežnych spravaŭ 11 krain ES rychtujuć prapanovu rezkaj centralizacyi ŭłady.
Hrupa pa pytańniach budučyni Jeŭrapiejskaha sajuza, u jakuju ŭvachodziać ministry zamiežnych spravaŭ 11 krain — Aŭstryi, Bielhii, Niamieččyny, Danii, Ispanii, Italii, Luksiemburha, Niderłandaŭ, Polščy, Partuhalii i Francyi — vystupiła z radykalnym prajektam reformy. Zhodna ź im,
u ES prapanujecca ŭvieści post abiranaha ŭsieahulnym hałasavańniem prezidenta, stvaryć ahulnajeŭrapiejski MZS, pačać vydavać adzinyja dla ŭsiaho ES vizy i navat razhledzieć mahčymaść farmavańnia adzinaha jeŭrapiejskaha vojska,paviedamlajuć brytanskija ŚMI.
«Kab Jeŭropa była realnaj dziejnaj asobaj i hłabalnym lidaram, jana pavinnaja mieć mocnuju strukturu instytutaŭ, — havorycca ŭ supolnaj zajavie ministraŭ zamiežnych spravaŭ Niamieččyny i Polščy Hida Viesterviele i Radasłava Sikorskaha. — Dla hetaha patrebny prezident, jaki vybirajecca naŭprost i jaki budzie asabista pryznačać čalcoŭ jeŭrapiejskaha ŭrada».
Akramia taho,
u vypadku pryniaćcia dadzienaj reformy budzie admienienaje prava vieta, jakoje ciapier majuć asobnyja krainy ES u pytańniach zamiežnaj palityki i biaśpieki, a taksama pry ratyfikacyi ahulnajeŭrapiejskich damovaŭ.Takim čynam, asobnym krainam daviadziecca prymać padtrymanyja bolšaściu zamiežnapalityčnyja miery, navat kali sami jany ź imi nie zhodnyja.
Prajekt taksama praduhledžvaje ŭzmacnieńnie paŭnamoctvaŭ viedamstva viarchoŭnaha pradstaŭnika Jeŭrasajuza pa zamiežnych spravach i palitycy biaśpieki i pieratvareńnie jaho ŭ paŭnavartasnaje ahulnajeŭrapiejskaje dypłamatyčnaje viedamstva.
Praduhledžvajecca i stvareńnie adzinaha palicejskaha orhana, jaki budzie zajmacca kantrolem miežaŭ ES,a taksama farmavańnie ŭ Jeŭraparłamiencie śpiecyjalnaj pałaty deputataŭ z krain zony jeŭra, jakaja budzie zajmacca razhladam mieraŭ što da adzinaj valuty.
U svaju čarhu,
ideja farmavańnia adzinaha jeŭrapiejskaha vojska pakul vyklikaje supiarečlivuju reakcyju: jaje padtrymali navat nie ŭsie čalcy hrupy pa pytańniach budučyni ES.Tamu pra hetaje mahčymaje novaŭviadzieńnie ŭ dakumiencie havorycca vielmi aściarožna: «Metaj jość farmavańnie jeŭrapiejskaj abaronnaj palityki, jakaja ŭklučaje adzinyja namahańni ŭ śfiery vajskovaj pramysłovaści, u tym liku stvareńnie adzinaha rynku ŭzbrajeńniaŭ. Dla niekatorych
Tym časam, jak adznačaje The Daily Telegraph,
u Vialikabrytanii, jakaja nie ŭdzielničała ŭ dzieviacimiesiačnym abmierkavańni i składańni prajekta «novaha Jeŭrasajuza», pierśpiektyva centralizacyi ŭłady i straty krainaj prava vieta ŭžo sparadziła pradkazańni ab «kancy Vialikabrytanii jak niezaležnaj dziaržavy», a taksama ŭzmacniła nastroi na karyść praviadzieńnia refierendumu z nahody členstva krainy ŭ strukturach ES,za što vystupajuć mnohija deputaty ad kiroŭnaj Kansiervatyŭnaj partyi.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary