9 listapada ź lidaram mižnarodnaj arhanizacyi «Małady front» (Čechija) Źmitrom Daškievičam, jaki znachodzicca ŭ hrodzienskaj turmie № 1, sustreŭsia jaho advakat.
Jak paviedamiła namieśnik staršyni «Maładoha frontu» i niaviesta Daškieviča Nasta Pałažanka, Źmicier raskazaŭ advakatu padrabiaznaści svajho etapiravańnia z Mazyra ŭ Hrodna.
«Daškieviča adpravili na etap tolki 4 listapada. Sutki pravioŭ u mahiloŭskaj turmie, jašče sutki — u baranavickaj. Ranicaj 7 listapada prybyŭ u hrodzienskuju turmu № 1.Sutki pravioŭ u karancinie, paśla čaho byŭ pieraviedzieny ŭ kamieru ŭ novy korpus turmy, jaki źniavolenyja nazyvajuć «amierykankaj», — raskazała Anastasija.
Jana zaznačyła, što, pavodle słoŭ Źmitra, u «amierykancy» ŭ paraŭnańni sa starym korpusam turmy — «bastyjonam» — bolš strohi kantrol z boku administracyi, ale pry hetym nie tak vostra staić pytańnie spalnych miescaŭ na kolkaść źniavolenych. Pakul umovy ŭ hrodzienskaj turmie nie pryncypova adroźnivajucca ad umoŭ u pamiaškańniach kamiernaha typu hłybockaj i mazyrskaj kałonij, dzie raniej utrymlivaŭsia Daškievič. Pavodle słoŭ Pałažanki, Dźmitryj adčuvaje siabie badziora, ni na što pakul nie skardzicca.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom4
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary