9 лістапада з лідарам міжнароднай арганізацыі «Малады фронт» (Чэхія) Змітром Дашкевічам, які знаходзіцца ў гродзенскай турме № 1, сустрэўся яго адвакат.
Як паведаміла намеснік старшыні «Маладога фронту» і нявеста Дашкевіча Наста Палажанка, Зміцер расказаў адвакату падрабязнасці свайго этапіравання з Мазыра ў Гродна.
«Дашкевіча адправілі на этап толькі 4 лістапада. Суткі правёў у магілёўскай турме, яшчэ суткі — у баранавіцкай. Раніцай 7 лістапада прыбыў у гродзенскую турму № 1.Суткі правёў у каранціне, пасля чаго быў пераведзены ў камеру ў новы корпус турмы, які зняволеныя называюць «амерыканкай», — расказала Анастасія.
Яна зазначыла, што, паводле слоў Змітра, у «амерыканцы» ў параўнанні са старым корпусам турмы — «бастыёнам» — больш строгі кантроль з боку адміністрацыі, але пры гэтым не так востра стаіць пытанне спальных месцаў на колькасць зняволеных. Пакуль умовы ў гродзенскай турме не прынцыпова адрозніваюцца ад умоў у памяшканнях камернага тыпу глыбоцкай і мазырскай калоній, дзе раней утрымліваўся Дашкевіч. Паводле слоў Палажанкі, Дзмітрый адчувае сябе бадзёра, ні на што пакуль не скардзіцца.
Цяпер чытаюць
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка3
Каментары