Siarod źbitych udzielnikaŭ «Čarnobylskaha šlachu» — litaraturaznaŭca Uładzimir Sodal i jaho žonka
«Čamu ja, jaki pieražyŭ u dziacinstvie strašnyja hady nacysckaj akupacyi Biełarusi, pavinien ŭ svajoj krainie ŭ mirnyja dni biehčy ad svaich junych suajčyńnikaŭ?».
Viadomy biełaruski litaraturaznaŭca Uładzimir Sodal aburany źbićciom supracoŭnikami milicyi mirnych udzielnikaŭ «Čarnobylskaha šlachu» paśla zaviaršeńnia akcyi viečaram 26 krasavika. U pryvatnaści, sam U.Sodal, jakomu sioleta spaŭniajecca 70 hadoŭ, i jaho žonka byli źbity ŭ rajonie płoščy Banhałor, kali viartalisia dadomu paśla zaviaršeńnia akcyi.
U intervju BiełaPAN U.Sodal raskazaŭ, što milicyjaniery dziejničali «niečakana i nachabna». «Ja moh by adbiehčy, ale hodnaść nie dazvoliła mnie heta zrabić. Čamu ja, jaki pieražyŭ u dziacinstvie strašnyja hady nacysckaj akupacyi Biełarusi, pavinien ŭ svajoj krainie ŭ mirnyja dni biehčy ad svaich junych suajčyńnikaŭ?» — aburyŭsia U.Sodal.
Vučony padkreśliŭ, što napad milicyjanieraŭ nanios jamu hłybokuju dušeŭnuju ranu. «Kali heta adbyłosia, ja ŭspomniŭ radok z himna Biełarusi: «My, biełarusy, mirnyja ludzi». I voś hetyja mirnyja ludzi viartajucca dadomu i sutykajucca z takoj niezrazumiełaj ahresijaj. Kali ŭłady chacieli razahnać akcyju, treba heta było zrabić u pačatku, a nie ździekavacca nad ludźmi, jakija viartalisia dadomu», — skazaŭ U.Sodal.
Tym nie mienš jon nie źbirajecca padavać skarhu na dziejańni supracoŭnikaŭ milicyi, pakolki ličyć heta biessensoŭnym.
Uładzimir Sodal daśleduje biełaruskuju litaraturu i kulturu XIX‑XX stahodździaŭ, žyćciovy i tvorčy šlach Vincenta Dunina‑Marcinkieviča, Franciška Bahuševiča, Janki Kupały, Maksima Bahdanoviča, Jadvihina Š. i Zośki Vieras. Jon aŭtar mnohich knih i vučebnych dyjafilmaŭ ab viadomych dziejačach nacyjanalnaj historyi i kultury, składalnik albomaŭ, pryviečanych Bahuševiču i Duninu‑Marcinkieviču, zbornikaŭ tvoraŭ Bahuševiča. Treba taksama adznačyć, što U.Sodal — invalid ź dziacinstva.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach4
Kamientary