Tym časam u horadzie časova prypynienyja razbureńni starych budynkaŭ. Haradzienskija ŭłady pačali infarmacyjnuju vajnu.
Adzin ź inicyjataraŭ praviadzieńnia haradzkoha referendumu Pavał Mažejka raspavioŭ pra chadu kampanii. Na siońnia ŭ budučuju inicyjatyŭnuju hrupu nabranaja nieabchodnaja kolkaść čałaviek, ale nabor praciahvajecca. «My nie adstupajem ad namieraŭ sabrać vialikuju inicyjatyŭnuju hrupu z pryciahnieńniem aŭtarytetnych u hramadztvie asobaŭ» — adznačyŭ sp. Mažejka. Jon paviedamiŭ, što pryznačany na 20 traŭnia schod adbudziecca, ale budzie nasić pracoŭny charaktar.
Schod z metaj rehistracyi inicyjatyŭnaj hrupy pakul pieraniesieny pa toj pryčynie, što ŭ kampanii zadziejničana šmat studentaŭ, u jakich chutka pačnucca ispyty. Data rehistracyjnaha schodu budzie vyznačana 20 traŭnia.
Pa słovach P. Mažejki, haradzkija ŭłady pakul vyčekvajuć. «Tydzień užo niama nijakaj aktyŭnaści na miescach mahčymych razbureńniaŭ» — kaža Pavał. I dadaje, što nia varta spadziavacca, što na hetym usio j skončycca. Pakinuŭšy pakul u spakoi kamianicy, ułady raspačali infarmacyjnuju vajnu. Abłasnoje telebačańnie zaprašaje ŭ eter specyjalistaŭ, jakija apraŭdvajuć plany rekanstrukcyi. Toje samaje robicca ŭ i drukavanych ŚMI. U adnym z apošnich numaroŭ «Hrodzienskaj praŭdy» pryhadali i abaroncaŭ Horadni, zakinuŭšy im niekanstruktyŭnaść dziejańniaŭ.
Ciapier čytajuć
Marata Markava pierasunuli z pasady ministra infarmacyi ŭ ministry kultury26
Kamientary