Navamodnaje słova «prajmeryz» hučała amal u kožnym vystupie na źjeździe AHP. Partyja šukaje patencyjnych kandydataŭ u kandydaty ŭ prezydenty. Znajści Adzinaha, pavodle AHP, mohuć tolki prajmeryz, palityčnyja ahledziny (heta značyć: chaj narod sam skaža, kaho jon choča). «Chto zamiest jaho?» — da hetaha pytańnia znoŭ i znoŭ viartalisia na źjeździe partyi 8 traŭnia. Partyja hatova padtrymać luboha Adzinaha, uličvajučy pamyłki 2001 h.
Staršynia partyi Anatol Labiedźka ŭ svaim vystupie skazaŭ, što patencyjnyja kandydaty prychodziać u partyju z prapanovaj ab supracoŭnictvie, ale zaklikaŭ siabroŭ «ustrymacca ad spakuślivych prapanoŭ».
Pieršym ahučyŭ spakuślivuju prapanovu Andrej Klimaŭ, i partyja ad jaje ŭstrymałasia. Klimaŭ, jaki niekalki miesiacaŭ tamu časova prypyniŭ siabroŭstva ŭ AHP, źviarnuŭsia pa maralnuju padtrymku, zaznačyŭšy, što resurs partyi jamu nie patrebien, jon pieramoža sam. Klimaŭ dobra ŭvajšoŭ u rolu budučaha prezydenta i pasiaredzinie pramovy ŭžo navat harantavaŭ Łukašenku biaśpieku ŭ vypadku jaho admovy ad pasady prezydenta. Svaim sajuźnikam Klimaŭ abviaściŭ ni bolš ni mienš Pucina (z rasiejskaj dahodlivaściu nazvaŭšy jaho «Ŭładzimier Uładzimieravič») i razmachvaŭ papierkaj z Kramla, dzie jamu nibyta harantujecca, što Łukašenka nia pojdzie na treci termin. Kim dakument padpisany — Klimaŭ nie skazaŭ, a sam dakument pakazaŭ tolki Palitkamitetu.
Maładyja delehaty źjezdu Ŭładzimier Čyrvonienka, Alaksandar Cynkievič, Ihar Šynkaryk usio bolš kazali pra parlamenckija vybary. Moładź nastrojena na pieramohu: zranku vybary, uviečary impičment, a dalej my robimsia harantami pierachodnaha peryjadu. Napiaredadni źjezdu ŭ partyju ŭstupili Vasil Staravojtaŭ, Valancina Palevikova i Ludmiła Piecina, paćvierdziŭšy tezys ab AHP jak partyi elity.
Jak hości vystupili siabry partyj kamunistaŭ, zialonych, BNF (V.Viačorka), lider niezaležnych prafsajuzaŭ A.Jarašuk.
Poŭny varyjant artykułu hladzicie ŭ hazecie "Naša Niva".
Vieranika Dziadok
Kamientary