Chronika

15 žniŭnia z-pad administracyjnaha aryštu źnik aktyvist AHP Alaksiej Prychodźka: z pryjomnika-raźmierkavalnika jaho z padazreńniem na apendycyt dastavili ŭ bolnicu, adkul jon uciok. Aktyvist PBNF, vypusknik fiłfaku Mazyrskaha peduniversytetu Dzianis Rabianok padaŭ u prakuraturu skarhu na dyskryminacyju: jaho admaŭlajucca prymać na pracu pa raźmierkavańni, bo jon zajmajecca «antydziaržaŭnaj palityčnaj dziejnaściu». Aktyvist AHP Leanid Sudalenka, jaki balatujecca ŭ PP NS, 18 žniŭnia źviarnuŭsia ŭ CVK sa skarhaj nakont cisku na siabroŭ jahonaj inicyjatyŭnaj hrupy N.Całujku i M.Chamienku. 18 žniŭnia śledčy KDB Alaksandar Zaleŭski adchiliŭ chadajnictva BCHK pra spynieńnie kryminalnaj spravy pa fakcie ŭchileńnia ad padatkaŭ, pa jakoj Haspadarčy sud Miensku pryniaŭ apraŭdalny prysud. Mienski harsud 19 žniŭnia admoviŭsia razhladać skarhu aktyvista AHP Uładzimiera Ramanoŭskaha nakont pracesu farmavańnia akruhovych vybarčych kamisij, bo heta «pa-za miežami jaho kampetencyi». 19 žniŭnia ŭ Homieli spačatku nie zmahli pabracca šlubam pa-biełarusku aktyvisty likvidavanaha centru «Hart» Junela Salnikava j Vital Krupieńka, a paśla skarhi dabilisia svajho. Vychad niedziaržaŭnaj «Novoj haziety Smorhoni» 19 žniŭnia byŭ spynieny na 3 miesiacy zahadam ministra infarmacyi Ŭładzimiera Rusakieviča: vydaŭcu Ramualdu Ŭłanu zakidajuć, što jon nia moža vydavać hazetu, bo pradprymalnik nie źjaŭlajecca jurydyčnaj asobaj. Alaksandar Buchvostaŭ, lider likvidavanaj Biełaruskaj partyi pracy, 19 žniŭnia nakiravaŭ nahladnuju skarhu staršyniu Viarchoŭnaha sudu Biełarusi Valancinu Sukału z nahody likvidacyi partyi. CVK 20 žniŭnia paćvierdziŭ nierehistracyju inicyjatyŭnych hrup Zinaidy Bandarenki (AHP), Valerja Ščukina. Śledčy ABEZ Alaksandar Lankievič 20 žniŭnia naviedaŭ biaz orderu ofis AHP, kab znajści antykanstytucyjnuju litaraturu. U Homieli 20 žniŭnia sud likvidavaŭ HA «Inicyjatyva» . Vadzim Bołbas byŭ zatrymany supracoŭnikami milicyi 20 žniŭnia na sustrečy Siarhieja Antončyka z palityčnymi j hramadzkimi aktyvistami Śvietłahorsku padčas pravierki dakumentaŭ: u jaho nie było z saboj pašparta. 21 žniŭnia milicyjanty spynili aŭtamabil, u jakim jechaŭ Andrej Klimaŭ z žonkaj Tacianaj, i kanfiskavali kala 200 knih «Špacyry z vuparom» i «Vidavočnyja iściny». U noč na 23 žniŭnia ŭ Barysavie byŭ abkradzieny pieradvybarny štab niezaležnaha kandydata Źmitra Barodki. Juryst Alaksandar Šaviel ź Biarozy 23 žniŭnia byŭ aštrafavany na 2 b.v.: padčas administracyjnaha pracesu 18 žniŭnia jon vykazaŭ krytyku na adras prakurora j byŭ abvinavačany ŭ niepavazie da sudu. 23 žniŭnia da aktyvista «Maładoha frontu» Alaksieja Šeina (Rakaŭ) źjaviŭsia ŭčastkovy, jaki abviaściŭ, što Šein u vyšuku, bo nie spłaciŭ 1 młn 125 tys. rub. štrafu. 23 žniŭnia pačaŭsia sudovy praces: PBNF patrabuje admianić papiaredžańnie, vyniesienaje Miniustam za ŭdzieł u akcyi «Łancuh nieabyjakavych čytačoŭ». 23 žniŭnia prafsajuz REPAM padaŭ skarhu na rašeńnie Miniustu ab admienie rehistracyi arhanizacyi. Na 26 žniŭnia ŭ Horadni pryznačany pačatak sudu nad Valerjem Levanieŭskim.

AŠ

• 0
• 0
• 0
• 0
• 0
• 0