Rok-sezon 2004/05 raspačniecca pry kancy žniŭnia pieraniesienymi kancertami.
«Licejski» kancert projdzie ŭ klubie «Blindaž» (vuł.Cimirazieva, 8). 27 žniŭnia tam možna budzie pačuć «novuju hieneracyju supolnikaŭ» — navučencaŭ i vypusknikoŭ Biełaruskaha liceju ŭ prahramie «Vieru ŭ ciabie!». Padtrymlivać maładych buduć hurty «Zet», «Garadzkija» i, mažliva, «Pomidor/off». Da kancertu vykarystany lehiendarny słohan festu «Rok paśla vakacyjaŭ», pad jakim u Parku Čaluskincaŭ štohod davali čadu ŭsie viadomyja ajčynnyja rok-kamandy. Pačatak u 18.00.
Na 31 žniŭnia ŭ «Reaktary» pryznačany vialiki solnik «N.R.M.». Ad šarahovych vystupaŭ Volskaha i K° hety budzie roźnicca tym, što słuchačy naŭrad ci zaśpiavajuć «Pieśniu pra kachańnie» dy inšyja hity. Muzyki abiacajuć syhrać miašanku absalutna novych piesień i tvoraŭ, što zvyčajna na kancertach nie vykonvajucca. Lider hrupy Lavon Volski sam adabraŭ haściej kancertu. Pierad vystupam «eneremaŭcaŭ» lud buduć razahravać maładyja hurty — «Źmiaja» (jany prajšli adbor na sioletniaje «Basovišča», ale nia zdoleli pryjechać) i «Krok». Pačatak a 19-j.
Siarhiej Budkin
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki7
Kamientary