Alaksandar Ryhoravič! Ja nikoli nie hałasavała za Vas, ale jak nastaŭnica historyi zaŭsiody kazała, što abranamu prezydentu treba nia prosta padnačalvacca, a treba dobra vučycca, potym dobra pracavać, prytrymlivacca dyscypliny va ŭsim: u pracy, u žyćci.
Pra Kanstytucyju ja kazała, što heta — Asnoŭny zakon krainy, dzie zapisany našy pravy i abaviazki. Ja padkreślivała, što kali my nia budziem sumlenna vykonvać našy abaviazki, to nia buduć u poŭnym abjomie realizavany našyja pravy.
U Kanstytucyi zapisana, što prezydentam luby hramadzianin Respubliki Biełaruś moža być tolki dva razy zapar pa piać hadoŭ. Ahułam 10 hadoŭ. A Vy ŭžo źmianiali Kanstytucyju, i ciapier znoŭ prahniecie novaha terminu.
U niadzielu pa radyjo vystupaŭ uładyka Fiłaret. Sutnaść jahonaha vystupu źviałasia da taho, što žyć treba zhodna z boskimi zapavietami, kab nie było soramna pierad ludźmi, pierad Boham. Dyk chto daŭ Vam maralnaje prava mianiać Asnoŭny zakon dziaržavy dziela svaich intaresaŭ? Mnie soramna hladzieć u vočy svaim vučniam…
U svaich vystupach vy časta pryhadvajecie Boha. Tak, Boh jość na śviecie, jon pavinien abaranić nas ad Vašaha žadańnia ŭłady. Kali Vy vierycie ŭ Boha, kali vy žadajecie ščaścia svaim dzieciam, unukam i ŭnučkam, vystupicie pierad nacyjaj i skažycie, što Vy pieradumali.
A takim ludziam, jak A.Miadźviedź, Ł.Jarmošyna, A.Jarmolenka, V.Sivochin, chočacca skazać: pierastańcie padłaščvacca da Łukašenki, zajmicie dastojnuju pazycyju, bo vy cudoŭna viedajecie, što z Kanstytucyjaj nielha abychodzicca tak, jak, prabačcie, z prastytutkaj. Siońnia padmiaŭ pad siabie adzin, zaŭtra druhi. Za vašu dvudušnaść vy i vašy dzieci adkažacie pierad Usiavyšnim.
V.Kasaviec, Pinsk
Ciapier čytajuć
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary