Dziesiać hod tamu jon pracavaŭ vykładčykam filazofii ŭ Połackim dziaržaŭnym universytecie, hraŭ na dudzie dla svajho koła i mieŭ spadzievy na navukovuju karjeru. Usio źmianiŭ referendum 1995 hodu — pryjšli spartovaja złość i praha adkazu, adkazu, adkazu.
«Za časami studenctva ŭ Homieli ja ŭznačalvaŭ miascovuju «Tałaku». My ŭsie dumali, što adradžajem svaju kulturu i historyju dla svajho ž narodu, prydušanaha savietami. Narod ružovyja akulary źniaŭ, prahałasavaŭšy suprać svajoj movy», — pryhadvaje Sasnoŭski. Jon kinuŭ vykładčyckuju pracu, navukovuju karjeru, muzyku i zajmaŭsia, pavodle jaho słoŭ, «aby-čym». Ciapier jon nazyvaje toj čas «žachlivym» i nia choča pra jaho zhadvać.
Niekalki hod pravioŭ u stanie permanentnaj depresii, paśla čaho abudziŭsia. «Nieabyjakavych biełarusaŭ bolš za miljon, hetaha niamała», — padumaŭ tady Sasnoŭski dy znoŭ zaniaŭsia navukaj. Jon nabyŭ druhuju vyšejšuju adukacyju i stažavaŭsia ŭ Madrydzkim universytecie. Paśla sabraŭ hurt, jaki nazvaŭ u honar ručaja na Mahiloŭščynie — «Stary Olsa», — uščylnuju zaniaŭsia adnaŭleńniem i majstravańniem instrumentaŭ.
Svajho nastaŭnika — łatyskaha restaŭratara Donatsa Vucysa, u siamji jakoha žyŭ, — pryhadvaje ź ciepłynioj: «Pan Vucys byŭ zamožnym čałaviekam, mieŭ svoj chutar i vialikuju haspadarku. Ceły dzień my pracavali na jahonaj haspadarcy, a potym užo zasiadali ŭ majsterni. Mianie ŭraziła, što jahonyja metady ŭ vyrableńni instrumentaŭ całkam adpaviadali siaredniaviečnym».
Poŭny varyjant čytajcie ŭ papiarovaj i pdf-versii hazety "Naša Niva"
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary