Pry kancy lutaha pabačyŭ na «Ładzie» pieradaču «Załatoje siačeńnie». 30 chvilin mianie zambavali: krainie musova patrebna atamnaja stancyja.
Pryčym heta było «zambavańnie pastfaktum». Materyjał padavaŭsia tak, jak byccam pabudova AES — sprava vyrašanaja. Žvavy taki karespandent raskazvaŭ, jakija nadziejnyja, biaśpiečnyja miescy vybrany pad placoŭku. Cikava, a z vuzłami u ščytapadobnaj załozie jon byŭ by taki ž žvavy?
Prahučali interviju ź niekalkimi admysłoŭcami-fizykami. Adzin suciešyŭ tym, što MAHATE budzie tolki «za» biełaruskuju AES. Nu, chto b sumniavaŭsia. Nia bonzam z hetaj arhanizacyi žyć pad jaje ciopłym bokam. Inšy skazaŭ, što paśla doŭhich rozdumaŭ vyrašana zamović reaktar u rasiejcaŭ. Bo jon tańniejšy i pry pabudovie ŭ nas nia budzie moŭnych barjeraŭ. Fajnyja arhumenty! Kali nia daj boh što, dyk nia tak šmat hrošaŭ stracim i čarhovy raz umacujem braterskija suviazi. Źviarnuli ŭvahu i na pijar. Maŭlaŭ, surjozny razhlad pretendentaŭ patrebny jašče i tamu, što pabudova AES u krainie, jakaja hetak paciarpieła ad Čarnobylu, — heta šykoŭnaja reklama dla peŭnaj kampanii i ŭsioj śviatoj spravy raźvićcia atamnaj enerhietyki. Cynična i brydka, praŭda?
Za ŭsie paŭhadziny pieradačy nie prahučała nivodnaha arhumentu suprać pabudovy, na jaje nia byŭ zaprošany nivodzin pradstaŭnik niezaležnaj ekalahičnaj arhanizacyi. I hetaje telebačańnie jany nazyvajuć hramadzkim.
U kancy pieradačy žurnalisty dasiahajuć piku cynizmu, kali kažuć, što paśla ich prahramy hledačy mohuć samastojna vyrašyć, ci padtrymlivajuć jany ideju pabudovy. Sapraŭdy, paśla takoj pieradačy niešta samastojna vyrašać zdolny tolki ludzi z pryščepkaj ad prapahandy.
Dzianis Tušynski, Miensk
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary