У Расеі зброю масавага зьнішчэньня праслаўляюць у храме
Генэрал Юры Балуеўскі выступіў у маскоўскім Храме Хрыста Збаўцы.
Кіраўнік Генэральнага штабу Ўзброеных сіл Расеі генэрал арміі Юры Балуеўскі выступіў сёньня ў залі царкоўных сабораў маскоўскага Храма Хрыста Збаўцы. Ён заявіў, што «Расея мае і будзе мець самую надзейную і моцную зброю ў сьвеце», пры гэтым «сваёй зброяй Расея нікому не пагражае», але «надзейна захоўвае гэтую зброю ў гатоўнасьці да выкарыстаньня».
Сёньня ў Храме Хрыста Збаўцы сьвяткуюць 60‑гадовы юбілей 12‑га Галоўнага ўпраўленьня Міністэрства абароны — установы, якая адказвае за захаваньне і прымяненьне ядзернай зброі.
Ў храме сабралася дзіўная кампанія: афіцэры Галоўнага ўпраўленьня, вайсковыя кіраўнікі, ветэраны падразьдзяленьняў асобай рызыкі ды ярархі Расейскай Праваслаўнай Царквы.
Пасьля сьвяточнага малебна, які адслужыў япіскап Бронніцкі Амвросій (Ермакоў), вікарый патрыярха Маскоўскага і ўсёй Русі Алексія II, у залі царкоўных сабораў прадстаўнікам перадавых злучэньняў ядзернага забеспячэньня ўручылі вымпелы‑харугвы з вобразам Серафіма Сароўскага, які з’яўляецца апекуном ядзернай зброі Расеі.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары