Федэральны апеляцыйны суд ЗША дазволіў адміністрацыі Дональда Трампа ўводзіць імпартныя мыты, паведамляе Assosiated Press.
Раней Суд міжнароднага гандлю, што месціцца на Манхэтэне, пастанавіў, што прэзідэнт перавысіў свае паўнамоцтвы, бо такія рашэнні, паводле Канстытуцыі ЗША, мае права прымаць толькі Кангрэс. Але апеляцыйны суд часова прыпыніў дзеянне гэтай пастановы, дазволіўшы Трампу скарыстацца надзвычайнымі паўнамоцтвамі для абароны эканомікі.
Нагадаем, што 2 красавіка Трамп абвясціў пра ўвядзенне мытаў на тавары з 185 краін. Мінімальная стаўка была 10%, для ЕС — 20%, для Кітая — 34%, а на аўтамабілі — 25%.
У адказ Кітай 4 красавіка ўвёў 34% мыта на амерыканскія тавары, а 9 красавіка Трамп павялічыў стаўку для Кітая да 125%. Кітай адказаў уласнымі тарыфамі ў 84%. У выніку сумарная мытная нагрузка на кітайскі імпарт у ЗША дасягнула 145%, уключаючы раней уведзеныя 20% на фентаніл.
Федэральны суд ЗША прыпыніў тарыфы Трампа і забараніў уводзіць новыя. У Белым доме назвалі гэта «нязначнай перашкодай»
Ілан Маск выступіў з вострай крытыкай новага закона, прапанаванага Трампам
Трамп прапанаваў Канадзе доступ да абароны пад «Залатым купалам». Пры адной умове
Трамп адклаў увядзенне 50-працэнтных пошлін на тавары з ЕС да ліпеня
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў15
Каментары