Кінавынікі года ў Мінску. Самая вялікая каса — у «Венама» і «Мсціўцаў»
У 2018 годзе гледачамі сеткі «КіноМінска» сталі больш за 3,5 млн чалавек, паведаміў карэспандэнту агенцтва «Мінск-Навіны» генеральны дырэктар УП «Кінавідэапракат» Мінгарвыканкама Павел Скалабан.
У мінулым годзе сярод заходніх стужак лідарамі па зборах сталі: «Венам» (1-е месца), «Мсціўцы. Вайна бясконцасці» (2-е месца), «Багемская рапсодыя» (3-е месца). Апошняй, дарэчы, не прадказвалі такога поспеху. Чацвёртая пазіцыя — у «Фантастычных істотаў», пятая — у фільма «Дэдпул 2».
З расійскіх на першым месцы апынулася карціна «Рух уверх», на другім — «Ёлкі. Новыя» (якія паказвалі год таму), «Паліцэйскі з Рублёўкі. Навагодняе бязмежжа» — на трэцім (яшчэ ў пракаце). Чацвёртае месца — у фільма «Лёд», пятае — у «Я худнею».
У «Кінавідэапракату» гнуткая рэпертуарная палітыка, таму калі на фільм у гледачоў ёсць попыт, то яго пракат падаўжаюць. Так, напрыклад, даўжэй усіх у кіно ў 2018-м паказвалі «Рух уверх» (трымаўся 9 тыдняў), «Багемская рапсодыя» (8 тыдняў), «Мсціўцаў» (5 тыдняў).
Цяпер чытаюць
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары