Пазіцыі Расіі і Беларусі па паглыбленні інтэграцыі вельмі блізкія ў сацыяльнай сферы, прамысловасці і на фінансавых рынках, але ў некаторых сферах разыходзяцца, заявіў журналістам міністр эканомікі Беларусі Дзмітрый Круты, піша РИА Новости.
Журналісты пацікавіліся ў Крутога, у чым пазіцыі краін разыходзяцца.
«Пытанні энергетыкі, пытанні банкаўскага сектара — яны, вядома, больш складаныя. Яны цяпер абмяркоўваюцца ў больш складаным рэжыме, скажам так», — адказаў міністр.
Што тычыцца сацыяльнага блока, прамысловасці і фінансавага рынку, то цяпер, адзначыў ён, удакладняюцца фармулёўкі.
«Але глабальных нейкіх змен ужо ў фінальнай версіі мерапрыемстваў не будзе», — дадаў Круты.
Ён таксама распавёў, што цяпер рыхтуецца абноўленая праграма паглыблення інтэграцыі паміж Расіяй і Беларуссю.
Яна прадугледжвае мерапрыемствы да 2022-2023 года, перш за ўсё ў сферы эканомікі. Прадставіць праграму плануецца да 21 чэрвеня.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары