У Жабінцы будуць судзіць школьніка за кінуты ў сілавіка кактэйль Молатава
Як паведамляе пракуратура Брэсцкай вобласці, здарэнне адбылося ўвечары 11 жніўня каля будынка «Белпошты».
Хлопец кажа, што набыў бутэльку ў невядомых асоб у гарадскім парку. Ён кінуў яе ў міліцыянера, «паддаўшыся эмоцыям» — сілавікі разганялі «несанкцыянаванае масавае мерапрыемства». Яна ўпала каля службовай машыны і загарэлася. Школьнік уцёк.
Сцвярджаецца, што хлопец напісаў «яўку з павіннай» пасля таго, як даведаўся пра затрыманне людзей, якіх падазравалі ў кіданні кактэйлю Молатава. У сваім учынку ён раскайваецца.
Справу перадалі ў суд. Раней у хлопца не было праблем з законам.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею7
Каментары