У Мінску прайшоў чарговы Марш мудрасці. На гэты раз пенсіянеры так зашыфравалі пункт збору, што складана было зразумець, дзе ж яны збяруцца, піша Tut.by.
«Самыя мудрыя збіраюцца ў пункце мудрасці». «Геалакацыя: ТКНК ФФ», — так апісвалі пункт збору чарговай акцыі салідарнасці ў сацыяльных сетках, гэтаксама пенсіянеры згадвалі метро.
Карыстальнікі сацсетак ламалі галовы, разгадваючы рэбус, а пенсіянеры ў выніку «знайшліся» каля станцыі метро «Усход». Некалькі дзясяткаў чалавек пашыхтаваліся ў ланцуг салідарнасці ўздоўж праспекта, але неўзабаве людзі разышліся.
Першы Марш мудрасці прайшоў у Мінску 5 кастрычніка. З таго часу яны сталі ладзіцца рэгулярна па панядзелках. Такім чынам сёння ўжо 14-ы марш. Але апошнім часам акцыі пенсіянераў сталі спыняць сілавікі.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары