Закаханая берасцейка перавяла 26 тысяч рублёў «ваеннаму доктару з Емена»
Як паведамляе брэсцкая міліцыя, у красавіку бягучага года 39-гадовая жыхарка Брэста ў фэйсбуку пазнаёмілася з мужчынам, які назваўся ваенным доктарам з Емена.
Пасля працяглай перапіскі ён прызнаўся ў сваіх пачуццях да жанчыны і пра гатоўнасць прыехаць да яе ў Беларусь. Даверлівую жанчыну ён папрасіў аплаціць выдаткі на пераезд, абяцаючы пры сустрэчы вярнуць усе грошы.
Агулам пацярпелая ў некалькі этапаў перавяла больш за 26 тысяч рублёў.
Калі «ваенны доктар» не прыехаў у Брэст на сустрэчу, пацярпелая некаторы час думала, што ў мужчыны папросту нешта не атрымалася ці з ім што-небудзь здарылася. Калі яна зразумела, што гэта падман, звярнулася ў міліцыю.
Па дадзеным факце заведзеная крымінальная справа па ч. 3 арт. 209 (махлярства, здзейсненае ў буйным памеры) Крымінальнага кодэкса Рэспублікі Беларусь.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары