У спісах прозвішчаў затрыманых учора з'явілася прозвішча праграміста Дзмітрыя Плашчынскага. Ён з'яўляецца грамадзянінам Ізраіля, паведамляе Dev.by.
Дзмітрый — кафаўндэр і распрацоўшчык WiFi Map, займаецца гэтым праектам з 2012 года.
У «пакаянным» роліку, які сёння выпусціў адзін тэлеграм-канал, ён кажа, што раней быў падпісаны на каналы, прызнаныя экстрэмісцкімі, але адпісаўся ад іх. «Удзельнічаў у размове з Антонам Матолькам» і адсылаў фота некаторым тэлеграм-каналам.
Таксама Дзмітрый прызнаецца, што ў яго ва ўласнасці ёсць паляўнічая зброя, маецца дазвол на яе. На момант ператрусу яна знаходзілася не ў сейфе, але побач.
Блізкія Дзмітрыя не маюць ніякай іншай інфармацыі аб яго затрыманні. Вядома толькі, што сёння будзе суд.
Каментары