Учора, 5 чэрвеня, у Барысаве праз моцны дождж і вецер часова патух Вечны агонь у скверы на вуліцы Чапаева, піша Ex-press.live.
Як паведаміў дырэктар філіяла ПУ «Барысаўгаз» Аркадзь Сушкін, гарэлкі могуць часова патухнуць пры моцных парывах ветру і інтэнсіўных ападках. Менавіта такая сітуацыя і адбылася напярэдадні.
«У такіх выпадках пры паступленні сігналу наша служба аператыўна выязджае на месца і ўключае агонь. Так было і гэтым разам — спецыялісты адрэагавалі імгненна, і ўжо ў той жа дзень полымя зноў загарэлася», — растлумачыў Сушкін.
Паводле яго слоў, сістэма працуе стабільна, і падобныя выпадкі, хоць і рэдкія, але прадугледжаны рэгламентам.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары