Незвычайны напой прадставілі на выставе «Белагра».
Акадэмія навук прэзентавала малочную гарэлку. Напой распрацавалі ў Навукова-практычным цэнтры па харчаванні.
Аўтары назвалі такую гарэлку інавацыйным прадуктам на аснове дыстыляту з малочнай сыроваткі. Для яе вытворчасці малочную сыроватку з высокім утрыманнем лактозы заквашваюць пэўнымі культурамі дрожджаў, а потым пераганяюць, паведамляюць «Мінск-Навіны».
Гарэлка мае спецыфічны малочны водар і 36% мацунку
Іншы эксперыментальны ўзор ад цэнтра — нефільтраванае светлае піва (4,5% аб.), зваранае з азімага ячменю.
«Азімы ячмень больш экстрактыўны, у ім больш бялку ў параўнанні з яравымі гатункамі. Гэта перспектыўны напрамак, але пакуль мы працуем толькі з двума гатункамі беларускай селекцыі», — распавялі аўтары распрацоўкі.
Прадставіў НПЦ і карысную навінку для дзяцей: сухія сняданкі без цукру. Гэта хрусткія мультызярновыя шарыкі з насеннем лёну, глазіраваныя яблычным сокам.
Іншыя карысныя распрацоўкі змогуць па вартасці ацаніць і дарослыя: нектар з чарніцаў, таматны сок прамога адціску не толькі смачныя, але і карысныя.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары