У 2024 годзе ў Нацыянальны цэнтр інтэлектуальнай уласнасці паступіла 303 заяўкі на выдачу патэнтаў на вынаходствы. Гэта мінімальная колькасць за ўвесь даступны перыяд вядзення статыстыкі, піша выданне «Беларусы і рынак».
Для параўнання, у паспяховым 2013 годзе было пададзена больш за 1,6 тыс. заявак — гэта ў пяць разоў больш. З тых часоў вынаходніцкая актыўнасць штогод змяншаецца. Такія даныя прыведзены ў гадавой справаздачы Нацыяльнага цэнтра інтэлектуальнай уласнасці.
Скарачаецца колькасць заявак як ад беларускіх, так і замежных вынаходнікаў. Ад замежнікаў у мінулым годзе было пададзена ўсяго 47 заявак, тады як 10 гадоў таму ўзровень дасягаў 160. Большасць зваротаў паступіла ад расіян (23).
Колькі зацверджана
У 2024 годзе прынята 308 рашэнняў аб выдачы патэнта — гэта больш, чым паступіла заявак. За год Цэнтр зарэгістраваў 280 вынаходстваў — нягледзячы на спад колькасці ўдзельнікаў, рэгістрацыя вырасла ў параўнанні з мінулым годам.
Што вынаходзілі?
Больш за ўсё вынаходстваў, якія прэтэндуюць на патэнт, прыпала на хімію. У цэлым галінавая структура выглядае так:
- хімія — 22% усіх заявак,
- розныя тэхналагічныя працэсы — 21%,
- фізіка — 19,5%,
- задавальненне жыццёвых патрэб чалавека — 19%.
Паведамляецца, што беларусы за год таксама падалі 14 заявак у Еўразійскія патэнтныя структуры. Што тычыцца камерцыялізацыі вынаходстваў у Беларусі, то ў 2024 годзе зарэгістравана ўсяго 6 ліцэнзійных дагавораў і 4 дагаворы саступкі на вынаходніцтвы.
Разам з тым на Біржы інтэлектуальнай уласнасці на канец 2024 года было размешчана 642 камерцыйныя прапановы па вынаходствах, што на 67 больш, чым у папярэднім годзе.
Як у іншых краінах?
У 2024 годзе ў Расіі было пададзена больш за 26 тысяч заявак на вынаходствы, краіна апынулася ў дзясятцы сусветных лідараў па колькасці выдадзеных патэнтаў. Аднак апярэджвае ўсіх у гэтай сферы Кітай. За апошнія 20 гадоў узровень патэнтнай актыўнасці там вырас у 50 разоў.
Зараз у сярэднім на кожныя 100 млн юаняў, накіраваных на даследаванні і распрацоўкі ўнутры краіны, прыпадае 70 заявак на вынаходствы, пададзеных у Кітайскае патэнтнае ведамства.
У 2024 годзе ў Міжнародную патэнтную камісію было пададзена каля 273,9 тыс. міжнародных заявак на патэнты. З іх больш за 70 тыс. паступіла з Кітая. У пяцёрку лідараў таксама ўваходзіць Расія.
-
Каталіцкі сайт: На Першым канале каталіцкая імша засталася, знікла яна з канала «Культура»
-
Азаронак пра закрыццё беларускіх крам: Прыбралі таму, што вы гэта любілі. Мне не лянота сядзець і глядзець, дзе што прадаюць
-
Ціханоўская: Калі мы не пазбавімся гэтага рэжыму, пагроза з тэрыторыі Беларусі будзе заставацца пастаяннай
Каментары
Хоть числятся в штате научных инстанций, но ничего нового не способны изобрести.