Том Круз трапіў у Кнігу рэкордаў Гінэса за трук у апошнім фільме «Місія невыканальная»
Амерыканскі акцёр Том Круз трапіў у Кнігу рэкордаў Гінэса дзякуючы труку, выкананаму падчас здымак апошняга фільма франшызы «Місія невыканальная». Пра гэта паведамляецца на сайце Кнігі рэкордаў.
«Восьмая, апошняя на сённяшні дзень частка франшызы «Місія невыканальная — Фінальная расплата» сапраўды падняла планку — відовішчныя трукі Тома падчас здымак фільма дазволілі яму ўпісаць сваё імя ў Кнігу рэкордаў Гінэса за найбольшую колькасць скачкоў з палаючым парашутам, выкананых адной асобай», — гаворыцца ў паведамленні на сайце Кнігі рэкордаў.
Акцёр выканаў 16 дубляў падчас здымак сцэны са скачком.
Ён скакаў з верталёта з прасякнутым палаючай сумессю парашутам, які пазней узгараўся, акцёр пазбаўляўся ад яго, адкрываў запасны парашут і паспяхова прызямляўся. «Ні адзін іншы акцёр або каскадзёр не наблізіўся да такой колькасці смяротна небяспечных скачкоў», — адзначылі ў Кнізе рэкордаў.
62-гадовы Том Круз вядомы тым, што імкнецца самастойна выконваць як мага больш трукаў падчас здымак, сцвярджаючы, што гэта робіць яго фільмы больш аўтэнтычнымі. Найчасцей акцёр робіць гэта падчас здымак стужак франшызы «Місія невыканальная», апошняя з якіх выйшла ў пракат у ЗША ў канцы мая. Крузу таксама належыць іншы тытул у Кнізе рэкордаў Гінэса — удзел у самай працяглай серыі фільмаў, якія збіралі больш за $100 млн у пракаце.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію11
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі66
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі6
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары