У Гродне адбыўся налёт на ювелірную краму, рабаўнік пагражаў нажом
Увечары 31 студзеня ў адной з ювелірных крамаў Гродна мужчына, пагражаючы прадаўцу нажом, забраў 19 найменняў залатых вырабаў, пасля чаго ўцёк, паведамляе прэс-служба Следчага камітэта.
Следчыя на месцы злачынства.
Прадавачка паведаміла пра здарэнне міліцыі, націснуўшы кнопку трывожнай сігналізацыі. Следча-аператыўная група, прыбыўшы на месца, аператыўна правяла вышуковыя мерапрыемствы і вызначыла падазраванага. Ім аказаўся раней неаднаразова судзімы 43-гадовы жыхар Гродна.
Падазраваны затрыманы супрацоўнікамі ДАІ ў Шчучынскім раёне. У момант здзяйснення злачынства мужчына знаходзіўся ў стане алкагольнага ап'янення. Заведзеная крымінальная справа па артыкуле 207 (разбой) Крымінальнага кодэкса Беларусі.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары