Ва Украіне завяршылася пасяўная кампанія, засеялі 95% прагназаваных плошчаў
Украінскія аграрыі завяршылі пасяўную кампанію. Ім удалося засеяць 95% прагназаваных плошчаў. Пра гэта паведаміла Міністэрства аграрнай палітыкі і харчавання Украіны, піша hromadske.ua.
Прагназвааныя пасевы асноўных яравых культур на кантраляванай Украінай тэрыторыі складалі 14,1 мільёна гектараў. Гэта на 2,7 мільёна менш за паказчык 2021 года. У рэшце рэшт у гэтым годзе ўдалося засеяць 13,4 мільёна гектараў (95%).
Плошча пасеваў яравой пшаніцы і соі засталася на ўзроўні папярэдняга года. А вось плошча пасеваў сланечніка неістотна скарацілася.
Таксама адбылося скарачэнне пасеваў кукурузы: сёлета 4,6 мільёна гектараў супраць 5,5 мільёна — летась.
У маі міністр аграрнай палітыкі і харчавання Украіны Мікола Сольскі казаў, што пасяўная кампанія ва Украіне адбываецца даволі актыўна, але на 20-30% павольней, чым звычайна. Складанасці былі звязаныя з лагістыкай і недахопам паліва.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары