The Washington Post: Расійскія ўлады звярнуліся да Турцыі па дапамогу ў абыходзе санкцый
У артыкуле амерыканскай газеты сцвярджаецца, што напярэдадні перамоваў прэзідэнтаў Расіі і Турцыі Уладзіміра Пуціна і Рэджэпа Таіпа Эрдагана ў Сочы ўкраінская разведка перахапіла адпаведную прапанову расійскіх уладаў.
Згодна з перахопам, Расія заклікае Турцыю дазволіць купляць долі ў турэцкіх нафтаперапрацоўчых заводах, нафтавых тэрміналах і рэзервуарах. Гэта рашэнне, адзначае The Washington Post, можа дапамагчы схаваць паходжанне нафты і абысці санкцыі, у тым ліку нафтавае эмбарга Еўрасаюза.
Расія таксама просіць адкрыць у дзяржаўных турэцкіх банках рахункі для найбуйнейшых фінансавых структур РФ, а таксама дазволіць расійскім прамысловым вытворцам працаваць унутры свабодных эканамічных зон Турцыі.
Пры гэтым, адзначае газета, няма ніякіх прыкметаў таго, што Турцыя пагодзіцца на прапанову Расеі, паколькі такая падтрымка пагражае накладаннем другасных санкцый на турэцкія банкі і кампаніі.
Каментары