Расія нанесла ракетны ўдар па вучэбным падраздзяленні Сухапутных войск Украіны: 12 загінулых
1 чэрвеня расійскія войскі нанеслі ракетны ўдар па размяшчэнні аднаго з навучальных падраздзяленняў Сухапутных войск УСУ, паведаміў тэлеграм-канал Сухапутных войск УСУ. 12 чалавек загінулі, больш за 60 паранены.
Адзначаецца, што падчас паветранай трывогі ніякіх шыхтаванняў ці масавых збораў асабовага складу не было.
«Пасля аб'яўлення сігналу паветранай трывогі большасць асабовага складу знаходзілася ў хованках. Пацярпелым аказваецца ўся неабходная кваліфікаваная медыцынская дапамога», паведамляе прэс-служба войск.
Для высвятлення прычын і абставін здарэння створана спецыяльная камісія і прызначана службовае расследаванне. У выпадку ўстанаўлення, што да гібелі і ранення вайскоўцаў прывялі дзеянні або бяздзейнасць службовых асоб, вінаватыя будуць прыцягнуты да строгай адказнасці, падкрэслівае ведамства.
Каментары