Літва працягнула рэжым надзвычайнага становішча на мяжы з Беларуссю і Расіяй да 16 снежня. Такую пастанову прыняў урад, але яе мусіць яшчэ зацвердзіць парламент, паведамляе Delfi.lt.
Таксама рэжым надзвычайнага становішча будзе дзейнічаць у аэрапортах у Вільні і Каўнасе, на Віленскім чыгуначным вакзале. Але раней гэты рэжым, пасля пачатку расійска-ўкраінскай вайны, распаўсюджваўся на ўсю тэрыторыю краіны.
Прапануецца абмежаваць перасоўванне грамадзян Расіі праз мяжу Еўрасаюза, заявіла міністр унутраных спраў Агне Білатайце. Памежнікі будуць сачыць, каб у Літву траплялі толькі тыя грамадзяне Расіі, якія будуць адпавядаць устаноўленым урадам крытэрыям. Крытэрыі пакуль яшчэ не вызначаныя і будуць узгадняцца з Латвіяй і Эстоніяй. Калі гэтае новаўвядзенне пачне дзейнічаць, пакуль невядома.
Каментары