У Мінску судзяць маці і дачку, якія працавалі ў МТБанку, за перадачу даных у ЧКБ
У Мінскім гарадскім судзе учора, 26 снежня, распачаўся працэс над палітзняволенымі супрацоўніцамі МТБанка Інай і Валерыяй Глінскімі, піша «Вясна».
Маці і дачку судзяць за перадачу ў 2020 годзе даных сілавікоў у «Чорную кнігу Беларусі». Іх судзяць па трох артыкулах Крымінальнага кодэкса: ч. 3 арт 130 (распальванне іншай сацыяльнай варожасці), ч. 3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных даных), арт. 352 (неправамернае завалоданне камп'ютарнай інфармацыяй). Справу разглядае Таццяна Фалькоўская. Глінскіх амаль год утрымліваюць у СІЗА-1.
Суд распачаўся 26 снежня 2022 года і праходзіць у адкрытым рэжыме. У судзе палітзняволеныя цалкам прызналі віну па двух артыкулах Крымінальнага кодэкса — ч. 3 арт. 203-1, ч. 3 арт. 352 і часткова паводле ч. 3 арт. 130. Яны заявілі, што ў іх не было мэты «распальваць».
Па справе праходзяць пяцёра пацярпелых — супрацоўнікі міліцыі і суддзя. Адна з іх — супрацоўніца Партызанскай РУУС Мінска Ліліяна Жылянкова, якая разам з маці прыйшла на суд.
«Яны выклалі адрас майго пражывання і той, дзе жыве сям'я брата з маленькімі дзецьмі. Потым дапоўнілі данымі бацькоў. Тэлефанавалі і пісалі ім і мне. Маўляў, як маглі выхаваць «такое»?.. Мама вельмі перажывала, плакала кожны дзень. Пісалі ж: «Вашу дачка па коле пусцім. Хай ходзіць і азіраецца, да хаты не дойдзе», «Знойдзеце яе па частках»… Мама выходзіла сустракаць мяне з працы. Прыйшлося таксама памяняць нумар машыны, ставіць яе далёка ад дома».
Паведамляецца, што ў адной з прыватных медыцынскіх устаноў, у якой раней абслугоўвалася супрацоўніца Партызанскай РУУС, сказалі, што цяпер ёй у медыцынскіх паслугах адмаўляюць.
Суд працягваецца.
Падтрымайце палітзняволеных грашовымі пераводамі, пасылкамі, медыцынскімі бандэролькамі і тэлеграмамі: СІЗА-1, 220030, г. Мінск, вул. Валадарскага, 2 (Валерыя Андрэеўна Глінская, Іна Валер'еўна Глінская).
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары