Зяленскі даручыў новаму міністру абароны закрыць неба ўкраінскімі сіламі
Прэзідэнт Уладзімір Зяленскі заявіў, што прыярытэтнай задачай для міністра абароны Міхаіла Фёдарава з’яўляецца закрыццё неба, што прадугледжвае стварэнне ўласнай сістэмы супрацьпаветранай абароны, перадае Укрінфарм.
— Пытанне — у СПА. Альбо нам дадуць ЗША ліцэнзію на Patriot, альбо мы атрымаем ліцэнзію ад кагосьці з еўрапейскіх партнёраў, альбо ва Украіны будзе свая сістэма СПА, якая з’явіцца раней. Не трэба адмаўляцца ад ніводнага з гэтых падыходаў. Але што будзе раней — мы паглядзім. Міхаіл [Фёдараў] разам з камандуючым СПА, увесь прыватны сектар павінен факусавацца на гэтым пытанні. Міхаіл аб’ехаў увесь прыватны сектар, з імі пагутарыў. Рыхтаваў мне даклад. Мы будзе рабіць крокі па СПА, ракетабудаванні — вы іх убачыце. Менавіта перафарматаванне найперш, таму што ў нас проста няма іншага шляху, — сказаў Зяленскі.
Паводле яго слоў, ва Украіны павінна быць некалькі сотняў сістэм СПА, бо «вайна скончыцца, а колькасць ідыётаў на тым баку не паменшыцца».
— Вайна скончылася — усе нам далі гарантыі бяспекі. З аэрапорта будзе вылятаць самалёт, і ўсё роўна людзі павінны быць упэўненыя, што калі нейкая выпадковая ракета прыляціць — яны будуць абаронены. Пытанне ў глабальнай абароне. Гэта пытанне нумар адзін, — сказаў ён.
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары