Сёння ў фінскім Тамперэ і Рызе (Латвія) стартуе 86-ы чэмпіянат свету па хакеі. Другі раз запар у ім не бяруць удзелу зборныя Беларусі і Расіі. Больш за тое, чэмпіянат павінен быў прайсці ў Санкт-Пецярбургу, аднак з-за шырокамаштабнай вайны ва Украіне першынство забралі ў расійскага горада.
Усё праводзіцца па звыклай сістэме.
Адна група гуляе ў Тамперэ (дзейны чэмпіён свету зборная Фінляндыі, а таксама каманды Аўстрыі, Венгрыі, Даніі, ЗША, Нямеччыны, Францыі, Швецыі).
У Рызе згуляюць Латвія, Казахстан, Канада, Нарвегія, Славакія, Славенія, Чэхія, Швейцарыя.
Гульні папярэдняга раўнда адбудуцца з 12 па 23 мая, матчы плэй-оф — з 25 па 28 мая. Прычым паўфіналы, матч за трэцяе месца і фінал пройдуць у Тамперэ, які ўжо прымаў сустрэчы сусветнага першынства год таму.
Паказваць матчы чэмпіянату свету па хакеі беларускае тэлебачанне не збіраецца.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары