«Поўны фэйк». Міністр адукацыі пахваліўся поспехамі на цэнтралізаваным экзамене і не прызнаў ані найменшых праблем
Міністр адукацыі Андрэй Іванец пракаментаваў вынікі першага цэнтралізаванага экзамену па рускай і беларускай мове. Паводле яго, усё добра і ніякіх праблем няма. Хоць факты сведчаць пра іншае.
Іванец адзначыў вельмі высокі ўзровень атрыманых балаў, дзяцей, якія атрымалі ацэнкі 8, 9 і 10, аказалася больш за 50%. Таксама, паводле яго, была выкананая раней заяўленая адпаведнасць тэсту ЦЭ базавай праграме ўстаноў агульнай сярэдняй адукацыі. Адзначыў ён і вялікую колькасць 100-бальнікаў: больш за 890 чалавек сёлета па рускай і беларускай мове атрымалі найвышэйшы бал.
У той жа час ён панаракаў на распаўсюджванне «вялікай колькасць фэйкаў, якія тычацца вынікаў першага ЦЭ». Усе паведамленні, што колькасць тэставых балаў у некаторых асабістых кабінетах выпускнікоў складае больш за 100 балаў, маўляў, правяраліся, і ніводнага факта тэхнічнага збою не пацвердзілася. Інфармацыя пра тое, што будуць перагледжаныя вынікі цэнтралізаванага экзамену і нават прынятая адпаведная пастанова Савета Міністраў, таксама «поўны фэйк».
Змагацца з «фэйкамі» Іванец хоча найбольш зручным і даступным спосабам:
«Міністэрствам адукацыі будзе адсочвацца кожны выпадак распаўсюджвання недакладнай інфармацыі, матэрыялы будуць накіраваныя для дачы ацэнкі дзеянням распаўсюджвальнікаў фэйкаў».
Між тым для выпускнікоў і іх бацькоў усё далёка не так бясхмарна. Вядома, што выпускнікі скардзіліся на памылкі ў выніках, абураныя школьнікі і іх бацькі абрывалі тэлефоны Мінадукацыі. А тэлеканал «Белсат» апублікаваў відэа, на якім абураныя бацькі ў Рэспубліканскім інстытуце кантролю ведаў спрачаюцца з чыноўнікам ад адукацыі.
Пры цяперашняй атмасферы ў краіне малаверагодна, што людзі пайшлі б публічна абурацца, каб на гэта не было сур'ёзных падстаў.
-
Бабарыка: Да свайго вызвалення я ўвогуле не бачыў Івана Краўцова. Не ведаю, што ён рабіў
-
Вызваліўся адзін з пачынальнікаў беларускамоўнага ЖЖ Іван Марозаў — гэта быў яго другі палітычны тэрмін
-
Рэкорднымі тэмпамі ідзе збор на ўкол для Ксюшы з магілёўскага дзетдома, ад якой адмовілася мама — яшчэ плюс $190 тысяч за дзень
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?33
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары