50 радкоў рэдактара
Цяпер, калі Беларусь здранцьвела ў гіпсе хлусьні, яны спрабуюць рухацца. Учынак жодзінскіх хлопцаў — гэта размова пра свабоду на новай мове. Уражвае іхная гатоўнасьць ахвяраваць сабой.
Пакаленьне-2000 — гэты тыя, хто хадзіў у беларускія школы да 1995 году, каму 15 гадоў споўнілася ў часы грамадзянскага непадпарадкаваньня, пад знакам якога прайшла першая палова кіраваньня Лукашэнкі. Ня толькі ў палітыцы — у кожнай сфэры дзейнасьці адкрываюцца новыя імёны. У нумары “НН”, які вы трымаеце ў руках, гэта Ўсевалад Сьцебурака.
КУЛЬТУРА ДАЛЯРА. Як гэта Матвяйчук пускае “Эўрабачаньне” на экраны? Дацкі настаўнік музыкі сьпявае лепш за нашых патэнтаваных “зорак”. Галоўны крытэр адбору якіх — пустацеласьць. І кіраванасьць прадусарамі. Вось розьніца між фактычна сацыялістычным мастацтвам Даніі і фактычна капіталістычнай культурай Беларусі. “Культурай хамства і даляра” называў такую Купала.
Беларусь на “Эўрабачаньні” нібыта не дала ніводнага балу за ўкраінскі рэвалюцыйны гімн. Гэта вынятак, бо скрозь сусяды галасавалі за сусядоў — нават тыя, што нядаўна ваявалі. Узьнікаюць вялікія падазрэньні, ці не было ў Беларусі заблякаванае галасаваньне за рэвалюцыйную песьню. Гэта пацьвярджаецца тэлефанаваньнямі ў Рэдакцыю людзей, якія спрабавалі прагаласаваць за Ўкраіну. Аднак мы не змаглі знайсьці доказаў фальсыфікацыі.
АБАРАНІЦЬ “НАРОДНУЮ ВОЛЮ”. Ці ёсьць віна “Народнай волі” ў тым, што газэта надрукавала сьпісы падпісантаў маніфэсту руху «Воля народу» зь “мёртвымі душамі”? Гэтае пытаньне актыўна абмяркоўвае незалежная прэса. Гэта маральнае пытаньне. Выкарыстаньне казусу для расправы з газэтай адкінула б краіну яшчэ далей ад нармальнасьці.
ПЕРАМОГА НАД «ДЗЯДУХАЙ». Беларусь атрымала ў спадчыну ад СССР многія зьявы, якія ёсьць сапраўднымі злачынствамі супраць чалавечае годнасьці. Напрыклад, турэмная сыстэма. Або іншы арганізаваны зьдзек зь людзей — дзедаўшчына ў войску. Рэліктавыя дзікасьці здаюцца вечнымі, але іх, аказваецца, лёгка перамагчы, калі толькі на тое ёсьць воля. На прыкладзе аднае вайсковае часткі пра гэта апавядае Сямён Печанко.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары