Якая сітуацыя ў краіне з месцамі ў дзіцячых садках і хто можа хадзіць у кругласутачныя групы
У Беларусі за год з'явіцца 1550 дадатковых месцаў для дашкольнікаў. Два новыя дзіцячыя садкі ўжо працуюць, яшчэ шэсць адкрыюцца да канца снежня ў Брэсце, Мсціславе, Лепелі, Баранавічах, паведамляе СТБ.
Рэжым працы дзіцячых садкоў стараюцца зрабіць зручным для бацькоў.
«Толькі за першае паўгоддзе мы ўжо памянялі рэжым працы 31 групы. Як у бок павелічэння, напрыклад, з 10,5 да 12 гадзін, так і наадварот, часам у бок змяншэння — з 12 да 10,5 гадзін. Часам мяняецца пачатак часу працы групы. Напрыклад, група працавала з 7:30, але запатрабаваная была толькі з 8 раніцы, таму пераведзена з 8 раніцы да больш позняга часу працы, каб бацькі паспявалі закончыць сваю працу і вярнуцца, забраць дзіця з дзіцячага сада. Гэта пытанне на кантролі Міністэрства адукацыі», — кажа Альбіна Давідовіч, намесніца начальніка галоўнага ўпраўлення агульнай сярэдняй і дашкольнай адукацыі — начальніца аддзела дашкольнай адукацыі Міністэрства адукацыі.
У некаторых садках ёсць кругласутачныя групы. У Мінску іх дзве — у дзіцячых садах № 406 і № 547. Хто туды можа трапіць?
«Неабходнасць у такой групе можа тлумачыцца не толькі графікам працы, але і якімісьці сямейнымі абставінамі. Напрыклад, мама адна выхоўвае дзіця і знаходзіцца ў судовым працэсе разводу. Ёй неабходна збіраць дакументы, яна можа пакінуць дзіця на нейкі кароткі перыяд у такой групе, потым зноў хадзіць у звычайную групу. Бабулі, дзядулі далёка ці іх увогуле, на жаль, няма. Мама адна, яна працуе ў гандлі, напрыклад. Працоўны дзень у яе да 22:00. Ну як? Суседзяў не хочацца абцяжарваць, хтосьці мала мае зносін, таму гэта выхад для мамы. У 21:00 дзеткі кладуцца спаць, і пасля 21:00 з імі знаходзіцца памочнік выхавацеля да раніцы», — расказвае Вікторыя Жыгалко, галоўны спецыяліст аддзела дашкольнай, агульнай сярэдняй і спецыяльнай адукацыі камітэта па адукацыі Мінгарвыканкама.
Яшчэ адзін запыт ад бацькоў — групы для малых да двух гадоў. Цяпер па краіне іх каля 500 і найбліжэйшым часам колькасць плануецца давесці да 600.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары