Вайна банкаў
Справа «Джэм-банку» перададзеная ў Вышэйшы гаспадарчы суд. Банк патрабуе адмяніць дзеяньне часовай адміністрацыі, уведзенай у ім Нацыянальным банкам. «Джэм-банк» лічыць, што зрабіўся ахвярай рэпрэсіяў з боку дзяржавы.
Мэталюргі пры грашах
Міністэрства статыстыкі і аналізу падлічыла, што самы вялікі сярэдні заробак маюць тыя, хто працуе на прадпрыемствах чорнай мэталюргіі, — Br947 тыс. «Нафтавікі» атрымліваюць 918 тыс., «хімікі» — 723 тыс. Найменш атрымліваюць тыя, хто працуе ў швейнай прамысловасьці, — 284 тыс.
Атрутная кампэнсацыя
Прэзыдэнцкім указам пазбаўленыя спагнаньня мыта ўвезеныя ў краіну сродкі аховы расьлін. Сельскагаспадарчыя прадпрыемствы, якія сёлета ўжо набылі за мяжой атруту для насякомых, атрымаюць кампэнсацыю — на гэтыя мэты зь бюджэту выдзелена Br11 млрд. Летась у Беларусь было ўвезена сродкаў абароны расьлін на суму каля $22 млн.
Цыгарэтныя праблемы
Міністэрства гандлю прапанавала павысіць квоту на ўвоз тытунёвых вырабаў на 500 млн цыгарэт. Сёлета яна была зьніжана з 3,6 да 2 млрд цыгарэт, аднак айчынныя вытворцы пакуль ня здольныя сваімі сіламі кампэнсаваць зьмяншэньне імпарту якасных цыгарэт. «Рhilip Morris» ужо вядзе перамовы з гарадзенскай фабрыкай «Нёман» па арганізацыі вытворчасьці ў Беларусі сваіх цыгарэтных брэндаў, у тым ліку знакамітага «L&M», імпарт якога ў нашу краіну спынены.
МТЗ у Туркмэністан
МТЗ заключыў дамову на пастаўку ў Туркмэністан тысячы трактараў. Сума кантракту — $18,6 млн. Партнэр МТЗ — асацыяцыя «Туркмэнобахызмат» («Туркмэнсельгастэхніка»). У плянах — прадаваць у Туркмэністан штогод дзьве тыс. трактароў, тысячу грузавікоў «МАЗ» ды 500 кар’ерных БелАЗаў.
Эканомная цэгла
Менскі завод будматэрыялаў да канца году інвэстуе Br8,3 млрд у энэргазьберагальныя тэхналёгіі. Прадпрыемства набудзе ў чэскай фірмы «Tеdom S.R.O.» газапоршневыя агрэгаты, якія будуць выкарыстоўваць для атрыманьня энэргіі на вытворчасьць цэглы і плітак. Плянуецца, што эканомія дазволіць атрымліваць $1 млн дадатковага прыбытку ў год.
АК, АФН
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці44
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці4
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары