Раніцай у нядзелю Ізраіль папярэдзіў жыхароў некалькіх раёнаў паўднёвых прыгарадаў сталіцы Лівана Бейрута аб неабходнасці неадкладна эвакуявацца перад магчымай ваеннай аперацыяй, паведамляе Бі-бі-сі.
Прадстаўнік Арміі абароны Ізраіля Авіхай Адраэі заявіў, што папярэджанне асабліва тычыцца жыхароў раёнаў Харэт-Хрэйк, Габейры, Лілакі, Хадас, Бурдж аль-Баражнэ, Тахвіта аль-Гадыр і Шыя.
Паводле яго слоў, ЦАХАЛ не будзе вагацца і нанясе ўдар па любым, хто апынецца побач з баевікамі «Хезбалы».
«Вы падвяргаеце сябе і свае жыцці небяспецы, неадкладна пакіньце гэты раён», — напісаў ён у X.
Пазней ліванскае дзяржаўнае інфармацыйнае агенцтва National News Agency (NNA) паведаміла, што ў выніку ізраільскага ўдару па населеным пункце на поўдзень ад Бейрута адзін чалавек загінуў і трое дзяцей атрымалі раненні.
Незалежна праверыць гэту інфармацыю пакуль не ўдаецца.
Міністр замежных спраў Ізраіля Гідэон Саар у нядзелю адхіліў паведамленні аб магчымых прамых мірных перамовах паміж Ізраілем і Ліванам, пра якія на выхадных пісала ізраільская газета Haaretz.
Паводле яго слоў, Ізраіль і ЗША цалкам згодныя ў сваіх ацэнках, а іх галоўная мэта — доўгатэрмінова ліквідаваць экзістэнцыяльныя пагрозы з боку Ірана.
«Мы не хочам кожны год зноў уступаць у чарговую вайну», — сказаў ён.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары