Унучкі Лукашэнкі хочуць больш беларускай мовы ў школе
18 студзеня ў музеі Якуба Коласа ўзнагароджвалі пераможцаў літаратурнага конкурса «Гуляй, зіма, твая часіна!». Першае месца ў ім занялі Дар’я і Настасся — дочкі Дзмітрыя Лукашэнкі.
Яны перамаглі ў катэгорыі «Творчыя работы малодшых школьнікаў». Дзяўчынкі сказалі, што беларускай мове іх вучаць настаўнікі і выказалі жаданне, каб у школе было больш заняткаў беларускай. Дома ж з бацькамі Дар’я і Настасся размаўляюць па-расейску.
Другакласніца Дар’я і трэцякласніца Настасся даслалі на спаборніцтва апавяданне пра снегавіка і казку пра аднарога. Пісалі яны па-беларуску. Дар’я сказала, што з напісаннем сачынення крыху дапамагала маці: «Матуля дапамагала перакладаць некаторыя словы з расейскай на беларускую», — распавяла дзяўчынка.
На імпрэзу дзяўчатак прывезла мама — Ганна Лукашэнка. Іх суправаджалі два ахоўнікі. Журналістаў сабралася столькі, што не ўсім хапіла месца ў асноўнай зале.
А дзяўчаткі нават падчас афіцыйных прамоваў гарэзілі і ўсміхаліся.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары