У Віцебску масава загінулі качкі
Дзясяткі тушак валяюцца на Віцьбе.
У вусці Віцьбы на шлюзе пад пешаходным мостам сабралася мноства тушак мёртвых качак. Іх збірае брыгада па адлове бадзяжных жывёл. Як паведаміў майстар гэтай брыгады, яны атрымалі ўказанне сабраць качак і ўтылізаваць іх.
Толькі на вачах карэспандэнта сабралі каля 35 асобінаў.
Прычына масавай гібелі птушак невядомая і, мяркуючы па тым, што прыйшло ўказанне тушкі адразу утылізаваць, ніякая экспертыза праводзіцца не будзе. Не выключана, што прычынай гібелі птушак стала няправільная падкормка. Напрыклад, арганізм птушак, за выключэннем марскіх, не здольны выводзіць соль, таму нельга, каб у дзюбы птушкам пападала салёная ежа. Між тым качкам носяць усё запар.
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць
Каментары